Qinersinerit inatsisitigut tunngavii
Kommuninut qinersisarnerit Kommunalbestyrelsinut, nunaqarfinni aqutsisunut ilagiillu sinniisaannut qinersisarnerit pillugit Inatsisartut inatsisaat nr. 10, 31. oktober 1996-imeersumi aalajangersaqqapput.
Kommunalbestyrelsini, nunaqarfinni aqutsisuni ilagiillu sinniisaanni ilaasortat ukiuni sisamani ilaasortaasussatut qinigaasarput. Qinigaaffik ullormit qinersiffimmit naatsorsuunneqartarpoq.
Qinersinerup aqunneqarnera
Inatsisartunut qinersinerit Qinersinermut Ataatsimiititaliamit aqunneqartarput. Qinersinermut Ataatsimiititaliaq Namminersornerullutik Oqartussat pisortaaneranit, Kanukoka'p pisortaanit biskoppimiillu ilaasortaaffigineqarpoq.
Kommunini tamani qinersinerit Qinersinermut Siulersuisunit (tassa Valgbestyrelsit) piareersarneqartarput aqunneqartarlutillu. Qinersinermut Siulersuisut borgmesterimit (siulittaasoq) aamma kommunalbestyrelsimut ilaasortanit minnerpaamik marlunnit kommunalbestyrelsimit toqqarneqartunit ilaasortaaffigineqarpoq.
Taasiartorfinni ataasiakkaani qinersinerit Qinersinermik Siulersuisumit (tassa Afstemningsleder-imit) ikiortaannillu aqunneqartarput.