Politikkikkut suliassaqarfiit

Naalakkersuisut siulittaasuata susassaqarfii:

Naalakkersuisut Siulittaasuata Naalakkersuisoqarfia (NSN) 
 
Suliassaqarfiit: 

• Allattoqarfik
• Kalaallit Nunaata Københavnimi Sinniisoqarfia 
• Tusagassiivik

Siulersuisunut  allattoqarfik

• Ingerlatseqatigiiffinnut Namminersorlutik Oqartussanit tamakkiisumik ilaannakuusumillu pigineqartunut tunngatillugu piginneqataasuunerup isumagineqarnera 

Nunanut allanut Pisortaqarfik (NAP)

Suliassaqarfiit:

Nunanut allanut tunngasunut suliassaqarfinni nalinginnaasumik ataqatigiissaarineq, immikkut ittumik ukununnga ataqatigiissaarinerit:

• Nunat Avannarlernik Issittormioqatigiinnillu suleqateqarneq, kiisalu Naalagaaffiit Peqatigiit ataanni suleqataaneq matumani aamma Naalagaaffeqatigiit – Danmark, Kalaallit Nunaat Savalimmiullu - Issittormiut Siunnesuisoqatigiivini 2009-miit 2011 tikillugu siulittaasuuffeqarneranni suleqataaneq (Nunanik Avannarlernik suleqateqarneq Nunani Avannarlerni suleqatigiinnermut Naalakkersuisumit akisussaaffigineqarpoq)
• Silap pissusaa pillugu nunarsuarmioqatigiit isumaqatigiinniarnerat, kiisalu Danmark-imik isumaqatigiissusiortarnerit
• EU-mut attaveqarneq
• Nunanut allanut tunngatillugu Naalakkersuinikkut ingerlatsineq, matumani aamma WTO
• Inuussutissarsiornermut tunngatillugu nunarsuarmioqatigiit Naalakkersuinikkut ingerlatsinerat, matumani aamma Kalaallit Nunaata Branding Greenland-ip ataani ussassaarutigineqarneranut tunngassuteqartut
• Illersornissamut Sillimaniarnermullu tunngatillugu Naalakkersuinikkut ingerlatsineq
• Joint Committee-p ataani USA-mik suleqateqarneq
• Naalakkersuisut avataaniit tikeraartoqarneranni Naalakkersuisullu nunanut allanut tikeraartarnerannut atatillugu ileqqussarititaasunik pissusissarititaasunillu ingerlatsineq (protokolfunktion)
• Kalaallit Nunaata Bruxelles-imi sinniisoqarfia

Inatsisileriffik

Suliassaqarfiit:

Inatsiseqarnermut eqqartuussiveqarnermullu immikkoortortaqarfik

• Inatsisinik atortitsineq
• Kallaallit Nunaanni Eqqartuussiveqarneq pillugu Siunnersuisoqatigiit
• Eqqartuussiviit
• Politiit
• Pinerluuteqarsimasunik isumaginnittoqarfik
• Ilaqutariinnermut inatsisinik atortitsineq

Silap pissusaa

• Silap pissusaa pillugu Naalakkersuinikkut ingerlatsineq