Naalakkersuisut siulittaasuat Kuupik Kleist

Inuit Ataqatigiit siulittaasuat.
Inunngorpoq 31. marts, 1958.
Aviaaja Vandersee inooqatigaa; tallimanik qitornaqarpoq.

Ilinniagaqarneq:

1983: Socionom Roskilde Universitetscenter
1975-1978 Ilinniarnertooq, Birkerød  Statsskole
1972-1975 Realskole, Sisimiut
1966-1972 Meeqqat Atuarfiat, Qullissat

Atorfeqarneq:

2001-2002: Namminersorneq pillugu Isumalioqatigiissitat Allattoqarfiani pisortaq
1996-1999: Nunanut allanut Allaffeqarfimmi pisortaq
1988-1991: Tusagassiornermik Ilinniarfimmi pisortaq
1985-1988: Kultureqarnermut, Ilinniartitaanermut Pisortaqarfimmi pisortap tullersortaa

Naalakkersuinikkut sulineq:

2009-      : Naalakkersuisut Siulittaasuat
2009-      : Ilaasortaq, IA, Inatsisartut
2007-      : Siulittaasoq, Inuit Ataqatigiit Kattuffiat
2002-      : Ilaasortaq, Inatsisartut
2001-2007 : Ilaasortaq, Folketinget
1995-1996 : Ilaasortaq, Inatsisartut
1991-1995 : Pisortat suliassaqarfiinut angallannermullu Naalakkersuisoq

Tatigisatut ilaasortaaffiit:

2004-2008: Namminersorneq pillugu kalaallit qallunaallu Isumalioqatigiissitaanni ilaasortaq.
    Pisuussutit uumaatsut pillugit Suleqatigiissitaliap siulittaasua
1999-2002: Siulersuisut siulittaasuat, Tele Greenland A/S
1999-2002: Siulersuisut siulittaasoq, Immiussisarfik ULO
1995-1997: Siulersuisunut ilaasortaq, Inuit Circumpolar Conference (ICC)
1995-1997: Siulersuisunut ilaasortaq Nunatta Naqiterivia (Sydgrønlands Bogtrykkeri)

Tamalaat:

2010 Nersornaat kuultiusoq, Inatsisartut
2009 Ridder af Dannebrog, Ataqqinartut Kunngikkormiut
1999 Nunanut allanut sillimanissamullu tunngassuteqartunik Kalaallit Nunaannut attuumassutilinnik ingerlatsineq pillugu qallunaat kalaallillu ataatsimiititaliaat ataavartumi sinniisoq.
1997 Illorsornissaq pillugu Isumalioqatigiissitani 1997-imeersumi alaatsinaatitaq
1985 Tupaarnaq Rosing Olsenip atuakkiaanik Qaannat alannguanni: Kalaallit Nunaanni naalakkersuinikkut oqaluttuarisaanermit 1939-79-imik qallunaatut nutserisoq
1970-ikkut kingornalu Nuussuarnik il.il. ingerlatsisoq (producer), ilaatigut
1994 CD Samma Samma Paffa Paffa saqqummersippaa
1980 Qavaat atuagaq nuussuarlu (CD) saqqummersippaa, atuakkiortutut produceritullu
1980 The ICC Concert saqqummersippaa