Namminersorlutik Oqartussat Kulturimut aningaasaliissutaat

Tapiissutit makku tapiiffigineqarnissamik qinnuteqaatigineqarsinnaapput:

Namminersorlutik Oqartussat kulturimut aningaasaliissutaat

Qinnuteqarnissamut piffissaliussat . 15. februar og d. 15. september 2011

Kulturimik sulialinnut aningaasaliissutit 2010

Qinnuteqarnissamut piffissaliussat 1. maj 2011

Filmiliorneq

Qinnuteqarnissamut piffissaliussaq 1. marts 2011

Namminersorlutik Oqartussat kulturimut aningaasaliissutaat

Namminersorlutik Oqartussat kulturimut aningaasaliissutaat kulturimut tunngatillugu sulianut tapiissutigineqartarput. Aningaasat inunnit ataasiakkaanit, kattuffinnit il.il. qinnutigineqarsinnaapput, pingaarnermillu inuussutissarsiutigalugu eqqumiitsuliortut pilersitsisartut ingerlataqartullu suliaat suliniutaallu aammalu suliniutit allat eqqumiitsuliornikkut suliniutit qaffasissutsimikkut qaffasissut salliutillugit tapiiffigineqartarlutik. immersuiffissaq maanni aasinnaavat

Kulturimik sulialinnut aningaasaliissutit 2011

Kulturimik sulialinnut aningaasaliissutit eqqumiitsuliornikkut assilialiornerup, atuakkiornerup, isiginnaartitsinerup, nipilerinerup, filmiliornerup, assassornerup ilusilersuinerullu iluanni eqqumiitsuliortunut Kalaallit Nunaanni aalajangersimasumik najugalinnut tunniunneqartarput.

Suliniutinut sulianullu atatillugu inuussutissarsiutigalugu eqqumiitsuliornermik ingerlatalinnut pilersitsisartunullu aningaasaliisoqartarpoq. Aningaasaliissutit ukioq ataaseq tikillugu tunniunneqarsinnaasut qaammatikkuutaartumik 22.000 kr.-ikkaarlugit aningaasaliissutaasarput. 

immersuiffissaq maanni aasinnaavat

Filmiliorneq:

Kalaallit filmiliaat piviusuunngitsut aammalu piviusulersaarutit immikkut ittumik eqqumiitsuliornermik malunnaatillit salliutillugit tapiiffigineqartarput. Taakku saniatigut piviusulersaarutinut tapiissuteqartoqarsinnaavoq. 

immersuiffissaq maanni aasinnaavat

Nalinginnaasumik oqaaseqaatit:

Tapiiffigineqarsinnaasunut pingasuusunut tamanut qinnuteqaatit immersuiffissat atorneqassapput.

Qinnuteqaatit mail imaluunniit fax atorlugit nassiunneqarsinnaanngillat. Qinnuteqaatit piffissaq eqqorlugu tiguneqartut kisimik tapiissutinik tunniussinermi isiginiarneqassapput.

Suliniutigineqartoq ataaseq ataasiinnarmik qinnuteqaateqartinneqassaaq. Qinnuteqaat ataaseq taamaalilluni suliniutinut arlalinnut atorneqarsinnaanngilaq. Suliniutigineqartoq ataaseq tapiissuteqariaatsit arlallit atorlugit tapiiffigineqarnissaa qinnutigineqarsinnaavoq.

Qinnuteqaatit uunga nassiunneqassapput:

Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoqarfik, Box 260, 3900 Nuuk