Ikioqatigiitta

Aningaasaliisarfiup upernaami 2011-mi aallartikkamili avataaniit soqutigineqarnera annertusimaqaaq. Mikropuljefond IKIOQATIGIITTA pilersinneqarpoq Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoqarfiup Villum Fonden aammalu OAK Foundation suleqatigiinnerisigut. Aningaasaliisarfiup avataaniit soqutigineqarnera annertoorujussuuvoq, taamaattumik pingajussaanik agguaanissamut qilanaalereerpugut, qinnuteqarfissallu ullua kingulleq tassaavoq 8. marts 2012.

Aningaasaliisarfiaqqap anguniagaa tassaavoq meeqqat, inuusuttut ilaqutariillu – annerusumik immikkut isiginiarneqarlutik kisimiillutik pilersuisut – inuunerminni atugaannut oqilisaataasinnaasunik suliunitinik tapersersuinissaq. Taamaattumik qinnuteqartuni immikkut isiginiarneqarsimapput meeqqat inuusuttullu suleqatiginiarlugit suliuniuteqartut, inerikkiartornerannullu iluaqutaalluarsinnaasut.

Suliniutit siusinnerusukkut taperserneqartunut assersuutit:

• Suleqatigiissitaq meeqqanut inuusuttunullu uumisaaruttarneq qulequtsiullugu
• Nipilersuutinik pisineq
• Pikkorissarneq skateboard-rampemik sananermi
• Cafe Ilinniagassiorfik
• Meeqqat inuusuttullu asimeeqatigalugit, peqqinneq qulequtsiullugu
• Qajarianik ilitsersuinermi pikkorissarneq
• Ornittakkamut pinnguanik atortussanillu pisineq

Siulersuisut ilimagilluinnarpaat aningaasaliisarfiaqqap Mikropuljefonden Ikioqatigiitta-p sunniuteqalluarnissaa. Suliniutit naammassiniagassaassapput, siumut isigisuussapput toraagaqassallutillu, taamaakkaluartumik qinnuteqaraanni pisariaqartinneqanngilaq takisuumik qaffasissumillu allagaqartoqassasoq. Taamaasilluni kikkulluunniit meeqqanut inuusuttunillu suliuniuteqarusuttut qinnuteqaateqarnissaminnik periarfissinneqarput. Taamaallaat piumasaqaataavoq qinnuteqarniarluni immersugassaq eqqortumik immersorneqassasoq aningaasallu atugassat qanoq agguataarneqarnersut takutissinnaaneqassasoq. Saniatigullu pingaaruteqarluinnarpoq immakkut angalaniaraanni piumasaqaatit tamarmik pigineqassasut takutinneqarlutillu. Aningaasaliisarfiaraq makkununnga tapersiisinnaanngilaq:

• Namminermut aningaasatigut iluaqusiinissamut imaluunniit nammineq pigisassamik pisinissamut
• Suliniutip Aningaasaliisarfiaqqamut nassiunneqareersimasup asserluinnaanik (kisianni ilanngunneqarsinnaasut tassaapput suliutit nutaat suliniutit pioreersut nutarsaavigineqarsimasut)
• Suliniutit qaangiutereersunut (kingumoortumik aningaasaliisoqarsinnaanngimmat)
• Ingerlatsinermi allaffissornikkullu aningaasartuutit matussuserneqarnissaat
• Atortussanik angisuunik pisinissaq taamatullu sanaartornissamut qinnuteqaatit taavalu snescooterinik, umiatsiamik, biilinik, inimik pisinissamut qinnuteqaatit.
• Suliniutit pisortanit suliarineqartut imaluunniit peqatigiiffinniit aningaasassaqartillugu suliarinissaanut soqutigiffigineqartunut

Qinnuteqarnissamut paasisaqarnerorusukkuit ugguuna www.nanoq.gl paasissutissat pisinnaavatit imaluunniit Mikropuljefondimut saaffiginninnikkut.

Qinnuteqarnissamut immersuiffissaq pissasiarineqarsinnaavoq ugguuna aaneratigut imaluunniit Mikropuljefondemut saaffiginninnikkut.

Qinnuteqaat mailikkut, faxikkut allakkatigulluunniit nassiunneqarsinnaavoq

E-mail: mikropuljefond@nanoq.gl /Fax: 34 66 66

Departementet IKINN

Mrk: IKIOQATIGIITTA Mikropuljefond

Postboks 260

3900 Nuuk