NATA

NATA (North Atlantic Tourism Association) tassaavoq Kalaallit Nunaata, Islandip aamma Savalimmiut akornanni takornariaqarnikkut suleqatigiiffik.

NATA Savalimmiuni, Kalaallit Nunaanni aamma Islandimi naalakkersuisoqarfinnit 2007-mi pilersinneqarpoq NATA-milu siunertaq tassaavoq nunat avannarliit killiit akornanni immikkoortuni takornariaqarnikkut soqutigisani ataatsimoorussani siumut sammisumik suleqatigiinnerup nukittorsarneratigut, ataqatigiissarneratigut isumannaarneqarneratigullu Nunani Avannarlerni Killerni takornariaqarnikkut iliuuseqarnerit iluanni suleqatigiinnerup sunniuteqarluarnerulersinneqarnissaa.

Immikkoortut uku iluanni tapiissutinik qinnuteqartoqarsinnaavoq:

· Ilinniartitaaneq- ilinniarnermut atatillugu suliffimmiinneq, suliatigut paasisassarsiorluni angalanerit, atuarfiit angalanerat, takornariartitsinermi ilinniartitaanerit il.il.

· Ataqatigiissitsilluni takornariartitsinerup ineriartortinnera – umiarsuarmik takornariarneq, sammisaqarluni feriarneq, sivikitsumik alakkaaneq il.il.

· Inuiaat akornanni suleqatigiinneq – Kulturikkut aaqqissuussinerit, atuarfiit angalanerat il.il.

· Nittarsaaneq takornariartitsinermillu misissueqqissaarneq – nunani tamalaani suliniutit annertusarnerat.

Qinnuteqaatit tamarmik immersugassiakkut qinnutigineqassapput, suliniutip allaaserineqarnera missingersuutillu ilanngunneqarsinnaallutik. Qinnuteqaat qallunaatut tuluttulluunniit allanneqarsimassaaq.

Ineriartortitsinissamut periarfissaqartunik inuussutissarsiutitigut suliniutit assigiinngitsut siusarsarnissaannut Namminersornerullutik Oqartussat peqataasinnaapput. Tunisassianik ineriartortitsinermut, takornariartitsinermik ineriartortitsinermut aningaasanik immikkoortitsisoqarpoq pilersaarutillu allaaserineqarluni akuerineqartup aningaasaliiffigineratigut atorneqarsinnaallutik.