Tapiiffigitissinnaanissamut tunngasut

Ineriartortitsinissamut periarfissaqartunik inuussutissarsiutitigut suliniutit assigiinngitsut siusarsarnissaannut Namminersornerullutik Oqartussat peqataasinnaapput. Tunisassianik ineriartortitsinermut, takornariartitsinermik ineriartortitsinermut aningaasanik immikkoortitsisoqarpoq pilersaarutillu allaaserineqarluni akuerineqartup aningaasaliiffigineratigut atorneqarsinnaallutik.

Tunisassianik ineriartortitsineq

Takornariartitsinerup aamma nunami inuussutissarsiutit (tunisassianik ineriartortitsinermi) iluanni tunisassianik ineriartortitsinermut inatsisartut aningaasanut inatsisaanni missingersuusiortoqarluni aningaasanik aningaasaliissuteqarpoq. Aningaasat taakku, Namminersornerullutik Oqartussat sinnerlugit Nunatsinni Takornariartitsinermut Inuussutissarsiutinullu Siunnersuisoqatigiinnit (GTE) aqunneqartut, takornariartitsinerup nunamilu inuussutissarsiutit iluanni tunisassianik sullissinernilu ineriartortitsinermik imaluunniit ineriartortitseqqinnermik siunertaqartunut tamatumalu kingorna tunisassiornissamik tuniniaanissamillu siunertaqartunut suliniutinut qinnutigineqarsinnaapput.

Tunisassianik sullissinernilu ineriartortitsinermut tapiissutinik aningaasaliissutitigut tapiisoqarsinnaavoq. Tapiiffigitissinnaasut tassaapput suliffeqarfiit inuinnaallu.

Tunisassianik ineriartortitsinermut aningaasaliinermi tapiissutit suliniutit ataasiakkaat immikkut nalilernerisigut tunniunneqarsinnaapput, aningaasanut inatsimmi aningaasatigut killiliussat iluanni:

1. Tunisassianik ineriartortitsineq ineriartortitseqqinnerlu siunertaralugu tunisassiorneq tuniniaanerlu.

2. Suleriaatsinik kiffartuussinermik iliuutsinillu ineriartortitsinermi ineriartortitseqqinnermilu.

3. Tunisassiornermi atortunik sakkunik taakkualu suleqatigiinneranik ineriartortitsinermi ineriartortitseqqinnermilu.

4. Qulaani 1-imit 3-imut taakkartorneqartut avammut nittarsaannerani siullermeertumik.

5. Aaliagersimalluinnartunik misissueqqaarnermi aaliagiinermut tunngaveqarluinnartut ineriartortitsinermik ingerlataqarnissamut matumani piareersaatinik aningaasanillu missingersuinermik.

6. Takornariaqarnerup iluani sullissinermi pioreersunik aserfallattaarinermi ilassutiliinermilu.

Tapiissutit annerpaamik aningaasartuutit affaanik annertussuseqarsinnaapput. Tapiiffigineqarniarluni qinnuteqartoq aamma aningaasaateqarfinnut qinnuteqarsinnaavoq, nunanit allanit aningaasaliissutit, nammineq sipaakkanit kiisalu aningaasaliisartut allat. Namminersornerullutik Oqartussat imaluunniit Kommunet aningaasanissaat periarfissatut atorneqarsinnaanngillat. Tapiissutit angalanermi ineqarnermilu aningaasartuutinut atorneqarsinnaapput, siunnersuisunik ikiorteqarnermi, tunisassiornermi atortussanik pisinermi sullinneqarnermiluunniit ilaalu ilanngullugit. Namminermini aningaasarsiat ilaatigut tapiiffigineqarsinnaapput.

Tapiissutit tunniunneqassapput ingerlanneqartup naammassinerani aningaasartuutinillu uppernarsaatinik uppernarsarneratigut. Ineriartortitsinermi suliaqarsimanerup kingorna qaammatit pingasut qaangiutsinnagit qanoq ingerlasoqarsimaneranik nalunaarusiortoqassaaq.

Tapiiffigineqarnissamut qinnuteqarnermi malittarisassat pappilissalu takuneqarsinnaapput mappersakkami www.inussuk.gl siunnersoqarneqarnissamik pisariaqartitsisoqartillugu Nunatsinni Takornariartitsinermut Inuussutissarsiutinullu Siunnersuisoqatigiinnit (GTE) saffigineqassasut.

Inatsisit

Inatsisartut inatsisaat nr. 14, 12. november 2001-imeersoq

Namminersornerullutik Oqartussat nalunaarutaat nr. 9, 5. april 2002-imeersoq