Nakkutilliineq

KANUAANA’p aalisarnerup nakkutigineqarnerani paasissutissat nalunaarsortarpai nakkutilliinerlu ingerlataralugu. Tamanna pisarpoq periaatsit assigiinngitsut arlallit atorlugit, imaani nakkutilliineq Kalaallit Nunaanni Sakkutooqarfimmit ingerlatarineqarpoq. Sammisassat assigiinngitsut amerlenerusut atuarusukkukkit assit ataani ittut tuukkit. Suliassat pingaarnerit ilagaat pisat nalunaarsorneqartut nakkutiginissaat eqqortuussusiilu nalilersorlugit. Paasissutissat taakku tunngavigalugit pisassat tamakkerneqareeraangata aalisarnerup unitsinnissaa ilaatigut aalajangerneqartarpoq. Inatsisinik unioqqutitsisoqartillugu Aalisarnermik akuersissutinik nakkutilliisut tassaanngillat akiliisitaanissanik aalajangiisartut, suliassat aalisarnermut, piniarnermut nunalerinermullu Aqutsisoqarfimmut inatsisilerinikkut naliligassanngorlugit ingerlateqqinneqartarput.

Nunami Nakkutilliisut	Piniarnermik Nakkutilliisut
Nakkutilliibut	Allattaaviit
Nalunaarutit	Imartani Nakkutilliineq
Qaammataabakkut alapernaarsut	Port State Control