Sanaartorneq

Suliariumannittussarsiuussisarnermut il. il. Inatsisartut inatsisaat nr. 3, 6. april 1992-imeersoq, illuliortiternernut sanaartornernullu suliassanik neqeroortitsinermi atorneqartarpoq.

Illuliortiternermut sanaartornermullu pasissutissat uani takuneqarsinnaapput www.byginfo.gl

Attaveqarnermut Aqutsisoqarfimmi Sanaartornermut immikkoortortaqarfik sanaartugassanik neqeroortitsisarneq pillugu internettikkut sullissivimmik pilersitsivoq, siunertarineqarluni siunissami qanittumi sanaartugassat suut aallartinneqalersaanersut ilisimatitsisarnissaq. Nittartagaq uani takuneqarsinnaavoq: www.udbud.gl

Namminersornerullutik Oqartussat sanaartugassaannut oqartussaasuunermi ilaatinneqarput pisortaqarfiit suliassaqarfillit suleqatigalugit sanaartugassanik pilersaarusiorneq, ilanngullugit aningaasanut inatsimmut ilanngutassanik suliaqarneq, sanaartugassanut pilersaarusianik suliaqarneq sanaartornermilu aningaasartuutinik aqutsineq.

Ilaatigut sanaartornermik ilinniarfimmik annertusaaneq pillugu nittartagaliortoqarpoq uani www.sanaartornermik.gl

Aamma Nuummi Tuapannguani piginneqatigiilluni inissialiorneq uani malinaaffigineqarsinnaavoq www.tuapannguit.gl