Suliffinni avatangiisit

Suliffinni avatangiisit ukiuni kingullerni sammineqaleriartuinnarput. Suliffinni avatangiisit timimut tarnimullu tunngasut suliffeqarfiup qanoq ingerlalluartigineranut kiisalu inuit suliffimmiittut qanoq iluarisimaarinnitsiginerannut pingaarutilerujussuupput.

Suliffeqarfimmik naliliineq, APV

Suliffeqarfiit tamarmik suliffinni avatangiisinik naliliinissamut pisussaaffeqarput, suliffeqarfimmik naliliinermik taaneqartartumik (arbejdspladsvurdering, APV). APV pillugu nalunaarut nutaaq 1. januar 2008-mi atuutilissaaq.

Ukiumi suliffeqarfik

Ukiut arfineq aappassaat Suliffinni Avatangiisit pillugit Siunnersuisoqatigiit ”Ukiumi Suliffeqarfinngorniartitsilluni” unammisitsivoq. Unammisitsineq 30. november 2007-ip tungaanut ingerlanneqassaaq, ukioq mannalu sulitilluni ajoquserujussuartarnerit sullivimmilu avatangiisit tarnimut tunngasut immikkut sammineqarput. Unammisitsineq pillugu paasisaqarnerujumaguit Suliffinni Avatangiisit pillugit Siunnersuisoqatigiit attavigikkit.

Inatsit

Kalaallit Nunaanni suliffinni avatangiisit pillugit inatsit nutaaq 1. januar 2006-imi atuutilerpoq. Taassuma Kalaallit Nunaanni suliffinni avatangiisit pillugit inatsit 1986-imeersoq taarserpaa. Aammattaaq Kalaallit Nunaanni suliffinni avatangiisit pillugit inatsisit sisamat inatsisip nutaap atuutilerneranut atatillugu iluarsaanneqarput.

Suliffinni avatangiisit pillugit inatsisit (qallunaatuut)