Tapiissuteqarnernut aaqqissuussinerit allat

Aningaasaateqarfiit, legatet allallu tapiissuteqarnermi aaqqissuussinerit pillugit paasissutissat sapinngisaq naapertorlugu tapiissuteqartartut nittartagaannit aaneqarput. Nittartakkani taakkunani qinnuteqaatinut piumasaqaatit paasissutissallu sukumiisut takuneqarsinnaapput. Piumasaqaatit suliarinninnerlu akuttunngitsumik allanngortinneqartarmata naalakkersuisoqarfiup sapinngisaq naapertorlugu nittartakkanut innersuussinissaq toqqarsimavaa.

Nittartakkami paasissutissiissutigineqanngitsut, paasissutissat nangaanartoqartillugit tiguneqassapput.

Aningaasaateqarfiit legatillu allattorsimaffimmut pitsaaquteqartumik allattorneqarsinnaapput, taakkununngalu paasissutissat kiiip@gh.gl-imi tiguneqarsinnaapput.

Nuna Fondip Kalaallit Nunaanni inuussutissarsiornermut tamanut iluaqutissatut ajunngitsuliuutaasumillu atuunnissani siunertaraa. Tamatuma ataani ingerlatseqatigiiffiit, peqatigiiffiit, sullissiviit il.il. siulersuisut nammineerlutik naliliinerat malillugu inunnik ikiuiniarnermut, isumaginninnermut, kultureqarnermut, ilisimatusarnermut tapersiiffigineqartarput, kiisalu inunnut siunertani siuliani taaneqartuni immikkut suliaqartunut tapiisoqartarluni taarsigassarsitsitsisoqartarluniluunniit.

Air Greenlandimit tapiissutaasartut amerlanersaat suliniaqatigiiffiit assigiinngitsut suleqatigalugit tunniunneqartarput, tamannalu isumaqarpoq, Air Greenland amerlanertigut aaqqissuussinernut taakkununnga innersuussuteqartarluni. Aaqqissuussinerit pingaarnerit pisarput uku pingasut suleqatigalugit: GIF - Timersoqatigiiffiit Kattuffiat, Katuaq - (tapiissutit kulturimut tunngassuteqartut) aammalu Greenland Tourism (tusagassiortut angalanerinut tapiissutit).

Tapiiffigisakkat taaneqareersut saniatigut Air Greenland aamma bilitsinik 40-nik akikillisakkanik tunniussisarpoq, ukiumut sisamariarluni tapiisarnermut ataatsimiisitaliamit agguaanneqartartunik. Taakku soqutiginaateqartunut imaluunniit pilersaarutinut allaanerusunut tunniunneqartarput, Air Greenlandip nammineq avammut nittarsaassinermini atorsinnaasaanut.

Aningaasaateqarfiup aningaasat pigisai siulersuisut aalajangiinerisigut kulturip iluani siunertanut aamma/imaluunniit kalaallit eqqumiitsuliaannut eqqumiitsuliornerannullu pilersaarutinut tapiissutitut iluaqutaasussatut tunniunneqartarput.

Aningaasanik tapiiffigineqarnissamik qinnuteqaatit takkuttut ukioq kaajallallugu ataavartumik aningaasaateqarfiup siulersuisuinit suliarineqartarput.

Nunani Avannarlerni Killerni kajumissutsimik peqatigiiffiit angalanerannut tapiissutaasartoq
Nunani Avannarlerni Killerni kajumissutsimik peqatigiiffiit angalanerannut tapiissutaasartoq
Nordplus programmit
Nordplus programmit ataatsimoorussuseqarnissamik nukittorsaanermik taamatuttaaq nunani avannarlerni kinaassusiineq, nunat oqaluttuarisaaneri, kulturiat demokratiimillu ataqatigiinneq aallavigalugit tapersiissaaq. Programmit ilinniartitaanermi suugaluartunut innersuussipput tassalu nunani avannarlerni nunat tallimaasut aammalu namminersortuusunut: Kalaallit Nunaat, Savalimmiut aammalu Ålandip qeqertaannut. Nordplus-programmini namminersortutut inisseqqasut nunani avannarlerni tallimaasuni nunavittut suliniutini assigiimmik peqataasinnaasutut isigineqarput. Tamanna isumaqarpoq soorlu assersuutigalugu, qallunaaq Kalaallit Nunaannut imaluunniit Savalimmiunut paasisassarsiorluni angalanissamut tapiiffigineqarnissamut qinnuteqarsinnaaavoq - taamatuttaaq soorlu assersuutigalugu savalimmiormioq Danmarkimut paasisassarsiorluni angalanissamut tapiiffigineqarsinnaavoq.

Danmarkip - Kalaallit Nunaata Kulturimut Aningaasaateqarfiani, Folketingip Kalaallit Nunaannut Aningaasaateqarfiani aamma Kalaallit Nunaannut Aningaasaateqarfimmi 1959-imeersumi siulersuisut Civilstyrelsip akuersissuteqarneratigut aalajangerput aningaasaateqarfiit kattussuutsinniarlugit ataatsimoortillugit aningaasaateqarfinngortillugit ataaseq atserlugit "Danmarkip - Kalaallit Nunaata Kulturimut Aningaasaateqarfia".

Aningaasaateqarfiup Kalaallit Nunaata danskillut naalagaaffiata ilaani akunnerminni kulturikkut atassuteqarnerup siuarsarnissaa suliarissavaa. Kulturikkut pilersaarutit anginerusut immikkoortut eqqumiitsuliornikkut pilersitsinermik imaqartut pingaartillugit tapersersorneqassapput. Ilinniarnermut imaluunniit atuartut angalanerannut, spejderit angalanerannut timersornikkullu aaqqissuussinernut tapiissuteqartoqartanngilaq. Ilisimatuutut misissuinernut pilersaarutit naliginnaasumik tapiiffigineqarnissaat naatsorsuutigineqarsinnaanngilaq.

Eqqumiitsuliornermit, isiginnaartitsisarfiit, nipilersorneq qitinnerlu atuakkialerinermut, erinarsorneq tusagassiuutillu nutaanut pilersaarutit tapiiffigineqarsinnaapput. Aamma ilinniarnerit, ilisimatusarneq immikkoortunullu arlalinnut pilersaarutit aningaasaateqarfimmi tapiiffigineqarsinnaasunut ilaapput. Ilinniartitaanermut ilisimatusarnermullu tunngasut iluanni kulturimut pilersaarutit attuumassuteqartut salliutinneqartarput.

Pilersaarutit aningaasaateqarfimmiit tapiissutinik pisinnaasut, minnerpaamik nunat avannarliit pingasut imalluunniit nunat namminersortut (Savalimmiut, Kalaallit Nunaat Ålandilu) ilaassapput.

Tapiissuteqarnernut aaqqissuussinerit allat

Det Grønlandske Hjemmestyres og Det Grønlandske Olieselskabs Fond (DGO-Fonden)