London Mining Greenland A/S-ip misissueqqissaarnissamik akuersissutip 2009/16-ip (Isua) allineqarnissaanik qinnuteqaataata tamanut ammasumik tusarniaassutiginera

London Mining Greenland A/S-ip qinnutigaa misissueqqissaarnissamik akuersissutip 2009/16 (Isua) nunami pineqartumi allineqarnissaa. Akuersissummi nuna pineqartoq Qussummiit qinnutigineqartoq allineqassasoq Nuummiit 70 km-inik avannarpasinnerusumiippoq, avannamut kangimut kuussuup Kuussuata tungaanut. Misissueqqissaarnissamik akuersissut paasiuminartunngorlugu nunaminertamik tunniussinermut assersuunneqarsinnaavoq, tassalu killeqartorujussuarmik assaannarnik nassatarineqarsinnaasunik atortoqarluni nunap sananeqaataanik killeqartorujussuarmik missuinissamut periarfissaqarluni.Misissueqqissaarnermik ingerlataqavinnerit annerusut, soorlu qillerinerit, qaartiterinerit aalajaatsuusussanik allanillu
sanartornerit immikkut qinnuteqaatigineqarnissaat akuerineqarnissaallu pisortanit piumasaqaataavoq.

London Mining Greenland A/S saniatigut qinnuteqaammik immikkut nassiussaqarpoq qinnuteqaammik misissueqqissaarnissamik akuersissutip 2009/16-ip annertusineqarnissaanik tamaanilu suliarineqartussanik. annertusineqarnissaanik qinnuteqaat taanna Naalakkersuisunit akuerineqassagaluarpat. Suliarineqartussat qinnuteqaatigineqartut ilaatigut tassaapput tammaarsimasarfiit (camps) pingasut ikkussuunneri, nunami tamaani motoorillit atorlugit angalanerit, sulilluni atugassanik aqqusinniornerit aamma ikaartarfimmik ikaartarfiliorneq,

London Mining Greenland A/S-ip sulissutigaa Isuata nunataani saviminermik atuilersitsinissaq pisuussutinillu misissuinerit, tamakkununngalu atattillugu toqqammavissat nutaat pisariaqartinneqarput teknikkikkut atortut, uumasoqassutsimi pissutsit
pisussutillu allat misissussallugit. 2012-imi suliassanut taagorneqartunut qinnuteqaat massakkut tamanut ammasumik tusarniaassutigineqarput takuneqarsinnaallutillu Nanup tusarniaalluni isertarfiani (høringsportal).

Allakkiamut tusarniaassummut ilanngussamut oqaaseqaatit Aatsitassanut Ikummatissanullu Pisortaqarfimmut (bmp@nanoq.gl) nassiuteqquneqarput kingusinnerpaamik 7. marsi 2012.

Misissueqqissaarnissamut akuersissutip nr. 2009/16-ip (Isua) allinissaa pillugu allakkiaq tusarniaassut