Kulturikkut eriagisassanik eqqissisitsinissamut tusarniaaneq

Kulturikkut eriagisassanik eqqissisitsinissamut allatigullu kulturikkut kingornussanik illersuinissamik Inatsisartut inatsisissaannut siunnersuummut tusarniaaneq.

Allakkani matumuuna ilanngunneqarpoq tusarniaatitsissut Kulturikkut eriagisassanik eqqissisitsinissamut allatigullu kulturikkut kingornussanik illersuinissamik inatsisartut inatsisissaannut siunnersuut.

Siunnersuummi siunnersuutigineqarpoq Naalakkersuisut immikkut illuinnartunik pissutissaqartillugu, eqqissisitsinissamik imaluunniit kulturikkut kingornussanik illersuinissamik pilersaarutinik, taakkuluunniit allannguutissaannik imaluunniit eqqissisitsinissamik atuuttumik atorunnaarsitsinissamik sanioqqutitsinissamut aaliangiisinnaatitaassasut, inuiaqatigiinni ataatsimut ineriartornermik innimigisassaqartillugu.

Siunnersuummi aammattaaq periarfissiisoqarpoq kulturikkut oqaluttuarisaanermi sumiiffinni pingaarutilinni eqqissisimatitassanngortitsinermut naleqqiullugu allatigut kulturikkut kingornussanik illersuisinnaanermik eqqussisoqassasoq.

Eqqissisimatitsinerit kiisalu allatigut kulturikkut kingornussanik illersuisinnaaneq Inatsitigut kingunissaat siunnersuummi aamma erseqqissarneqarput.

Tamakku saniatigut allannguutissanik annikinnernik siunnersuut imaqarpoq. Siunnersuummut allannguutit pillugit nalinginnaasumik oqaaseqaatini atuarneqarsinnaapput.

Oqaaseqaatinik nassiussisoqarsinnaavoq naalakkersuisoqarfimmut, ajornanngippat emailikkut uunga clkl@ghsdk.dk kingusinnerpaamik 24. februar 2010.

 

Nassuiaatit nalinnginnaasut