Meeqqanut suli atualinngitsunut perorsaanikkut inerikkiartuutaasunik ulluunerani neqerooruteqartarneq

Inatsisartut peqqussutaata nr. 10, 5. december 2008-meersup allanngortinneqarnissaanik Inatsisartut peqqussutaattut siunnersuut nr. Xx, xx.xx 2010-meersoq pillugu.

Matumuuna Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoqarfiup qulaani taaneqartoq Inatsisartut peqqussutissaattut allannguutissatut siunnersuut tusarniaassutigissallugu nassiuppaa.

Meeqqanut suli atualinngitsunut perorsaanikkut inerikkiartuutaasunik ulluunerani neqeroorutinut akiliuteqartarneq pillugu Namminersorlutik Oqartussat nalunaarutaat nr. 17, 27. november 2009-meersup atuutsinneqalernerata kinguninngua Inatsisartut Ombudsmandiata paasitippaa, qulaani nalunaarummi taaneqartumi akiliisussaatitaanermut malittarisassat meeqqanut suli atualinngitsunut perorsaanikkut inerikkiartuutaasunik ulluunerani neqerooruteqartarneq pillugu Inatsisartut peqqussutaanni naammattumik tunngavissaqanngitsoq.

Naalakkersuisut taamaattumik naleqquttuusoraat malittarisassatut tunngavissap ersarissarneqarnissaa, taassumalu ilutigisaanik pisinnaatitsissutitut malittarisassat allat aamma ersarissarneqarlutik.

Naalakkersuisoqarfiup noqqaassutigissavaa oqaaseqaataajunnartut naalakkersuisoqarfimmit tallimanngorneq 19. marts 2010 nallertinnagu tiguneqareersimasassasut.