Annertuumik innarluutillit ikiorserneqartarnerat pillugu Inatsisartut peqqussutissaattut siunnersuut

Annertuumik innarluutillit ikiorserneqartarnerat pillugu Inatsisartut peqqussutaata allanngortinneqarnissaanik siunnersuut pillugu tusarniaaneq ilanngullugu nassiunneqarpoq.

Pilersaarutigineqarpoq allannguutissatut siunnersuut Inatsisartut Upernaakkut 2010 ataatsimiineranni saqqummiunneqassasoq.

Kommunit agguataarneqarnerannik angissusiinillu tunngaviusumik allanngortitsisup ingerlanneqarnissaanik Inatsisartut aaqqissuusseqqinnissamik aalajangiinerat annertuumik innarluutillit ikiorserneqartarnerat pillugu Inatsisartut peqqussutaannik allanngortitsinermut pissutaavoq. Tamatuma kingornatigut aallaaviulersoq tassaavoq pisortat ingerlatsinermi suliassaat kommuninit tiguneqassasut, Namminersorlutillu Oqartussat tassaassasut inatsisiliortut kommunillu ingerlatsinerannik nakkutilliisuusut.

Naalakkersuisut KANUKOKA-llu akornanni isumaqatigiissutigineqarpoq innarluutilinnut tunngasut 1. juli 2010-mi kommuninut nuunneqassasut. Tamatuma nassataraa aningaasaliisarnermut oqartussaassutsip aamma aningaasaqarnermut akisussaaffiup nuunneqarnissaa. Taamaattorli annertuumik innarluutilinnut ulloq unnuarlu paaqqinnittarfiit pillugit ingerlatsinermut suliassat Naalakkersuisuniiginnarallassapput.

Inatsisartut peqqussutaata allanngortinneqarnissaanik siunnersuut.

Peqqussutissatut siunnersuut pillugu oqaaseqaatit.

Peqqussutissatut siunnersuut pillugu ilanngussaq.