Isumaginninnermi perorsaasussanik ilinniartitsinermut tunngasup allannguuteqartinnissaa

Matumuuna Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoqarfiup Inatsisartut peqqussutaata nr. 2-ip 20. maj 1998-imeersup isumaginninnermi perorsaasussanik ilinniartitsinermut tunngasup allannguuteqartinnissaa pillugu Inatsisartut peqqussutissaanut siunnersuummut tusarniaaneq nassiuppaa.

Siunnersuut isumaginninnermi perorsaasussanik ilinniartitsinermut inatsisip atuuttup 1998-imeersup Kalaallit-nunatsinni ullumikkut pissutsinut atuuttunut assigiinngitsutigut ataasiakkaatigut naleqqussaavigineqarnissaanik kissaateqarneq tunuliaqutaralugu pilersinneqarpoq.

Siunnersuummi pingaarnerusumik siullermillu isumaginninnermi perorsaasussanut ilinniarfinnut ilinniartussatut tiguneqarnissamut piumasaqaatigisat allanngortinneqarnissaat siunertarineqarpoq, tassa tiguneqarnissami qassinik ukioqarnissaq toqqammavigiunnaarlugu ilinniakkanik ingerlatsinissamut piginnaasat kisiisa toqqammavigineqalernissaat siunniunneqarluni.

Kiisalu tamatumunnga atatillugu naammagittaalliorsinnaatitaanernut atuuttunut tunngatillugu piffissarititat ilanngunneqarnissaannik pisariaqartinneqartut ilanngunneqarlutik.

Naalakkersuisoqarfimmiit kissaatigissavarput siunnersuummut tunngatillugu oqaaseqaatiginneqarsinnaasutut ilanngukkumasat naalakkersuisoqarfimmi

tiguneqareersimassasut kingusinnerpaamik marlunngornermi 16. februar 2010.

Peqqussutissatut siunnersuummut oqaaseqaatit