Oqaatsinut politikki pillugu Inatsisartut inatsisaat nr. 7, 19. maj 2010-meersumut allannguutissaatut siunnersuut pillugu tusarniaaneq

Matumuuna Oqaatsinut politikki pillugu Inatsisartut inatsisaat nr. 7, 19. maj 2010-meersumut allannguutissatut siunnersuut pillugu tusarniaaneq nassiunneqarpoq.

Inatsisissatut siunnersuummi pingaarnerit tassaapput ussassaarutini, pilerisaarutini, allagartalersuisarnermi, kiisalu innuttaasunut allakkatigut saaffigiinninnermi isumaqatigiissutinilu inatsisitigut pituttuiffiusuni oqaatsit atorneqarneri pillugit aalajangersagaliorneq, tamatumani kalaallit oqaasiisa atorneqarnissaannik inatsisitigut piumasaqaateqalermat.

Ilaqutariinnermut, Kultureqarnermut, Ilageeqarnermut, Naligiissitaanermullu Naalakkersuisoqarfiup qinnutigaa oqaaseqaatigiunnakkat naalakkersuisoqarfimmit tiguneqareersimassasut kingusinnerpaamik ulloq 13. marts 2012 – E-mail: IKINN@nanoq.gl imlt.

IKINN
Postboks 260
3900 Nuuk