Siunnersuut Kalaallit Nunaanni annaassiniarnissamut upalungaarsimaneq aamma ikuallattoornissamik qaartoornissamillu pitsaaliuinermi iliuusissat

Inatsisissatut siunnersuummi matumani siunertat pingaarnerit marluupput: Sorsuttoqarneranut aamma sorsuttoqarnissaanut aarlerinartoqarneranut pilersaarusiornissamut piginnaatitaaffik, kiisalu kommunini annaassiniarnissamut upalungaarsimanerup ulorianartorsiorfiit tunngavigalugit annertussusilerneqarnera.

Kalaallit Nunaanni annaassiniarnissamut upalungaarsimaneq aamma ikuallattoornissamik qaartoornissamillu pitsaaliuinermi iliuusissat pillugit Inatsisartut inatsisaata nr. 14-ip, 26. maj 2010-meersup akuerineqarneratigut, inatsisit isumaqatigiissutillu aqqutigalugit Kalaallit Nunaanni upalungaarsimanermut inatsit pillugu nassuiaammi inassuteqaatit pingaarnerit atulersinneqarput.

Inatsisissatut siunnersuummi matumani suleqatigiissitap innersuussutaani immikkoortut kingulliit atulersinneqarnissaat siunertarineqarpoq - sorsuttoqarneranut aamma sorsuttoqarnissaanut aarlerinartoqarneranut pilersaarusiornissamut piginnaatitaaffiup, kiisalu kommunini annaassiniarnissamut upalungaarsimanerup ulorianartorsiorfiit tunngavigalugit annertussusilerneqarneranut piginnaatitaaffik tamakkiisumik Kalaallit Nunaanni tiguneqassapput.

Tamatuma saniatigut annaassiniarnissamut upalungaarsimanerup annertussusilerneqarnissaanut aalajangiisarnerup Naalakkersuisuniit kommunalbestyrelsimut nuunneqarnissaa, inatsisissatut siunnersuummi matumani siunnersuutigineqarpoq. Ulorianartorsiorfiusinnaasunik naliliisarnerup annertussusiliisarnerullu najukkami pissutsit tunngavigineqartarnerisa, aammalu najukkami ulorianartorsiorfiusinnaasuni pissusiviusunut naleqqussarneqartarnerisa annertusiartortinneqarnerisigut, kommunimi annaassiniarnissamut upalungaarsimasut pitsaanerusumik pilersaarusiorneqarsinnaanerat anguneqarsinnaasoq naliliisoqarpoq.

Tusarniaanermi akissuteqarnissamut 11. juli 2012 nal. 12.00 killigitinneqarpoq.

E-mail: IAAN@nanoq.gl imaluunniit

IAAN
Postboks 909
3900 Nuuk

Siunnersuut Kalaallit Nunaanni annaassiniarnissamut upalungaarsimaneq aamma ikuallattoornissamik qaartoornissamillu pitsaaliuinermi iliuusissat pillugit Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxxx 2012-imeersoq

Siunnersuummut nassuiaatit