Uunga siunnersuut; Greenland Oil Spill Response A/S pillugu inatsisartut inatsisaat

Greenland Oil Spill Response A/S pillugu Inatsisartut inatsisissaattut siunnersuut oqaaseqaatit ilanngullugit tusarniaatitut matumuuna nassiunneqarpoq.

Kalaallit Nunaanni imartani uuliamik misissuinermi ingerlataqarneq ukiuni takkuttussani annertusissasoq naatsorsuutigineqarpoq. Piffissalli matuma nalaani uuliamik maangaannartitsisoqarnissaanut upalungaarsimaffimmik nammineertumik imaqarluartumillu Kalaallit Nunaat pigisaqanngilaq. Taamaammat Kalaallit Nunaanni selskabimik uuliamik maangaannartitsinissamut upalungaarsimaffimmik nunamut tamarmut atuuttumik inerisaanissaq naleqquttuuvoq, taamaalillunilu upalungaarsimanermik sammisaqarnermi nunanik allanik isumalluuteqarneq annikillisinneqartussaalluni.

Taamaammat siunnersuutigineqarpoq piginneqatigiiffimmik uuliamik maangaannartitsinissamut upalungaarsimaffimmik Greenland Oil Spill Response A/S-imik taaguuserneqartumik namminersorlutik oqartussanit pigineqartumik Naalakkersuisut pilersitsissasut.

Piginneqatigiiffiup pingaarnertut sunertarissavaa Kalaallit Nunaanni aatsitassarsiornerup iluani uuliamik mingutsitsinissamut upalungaarsimanermut, uuliamik mingutsitsinissamut akiuinermut tunngassuteqartunik ingerlatsineq. Siunertarineqarpoq ukiut amerlavallaanngitsut iluanni ingerlatseqatigiiffik tamakkiisumik ilaannakortumilluunniit namminersortunngorsarneqassasoq. Namminersortunngorsaaneq Kalaallit Nunaanni uuliamik sammisaqarnerup inuussutissarsiutitut nutaatut ineriartornera ilutigalugu pissaaq.

Greenland Oil Spill Response A/S pillugu Inatsisartut inatsisissaattut siunnersuut oqaaseqaatit ilanngullugit tusarniaatitut Aatsitassanut Pisortaqarfiup matumuuna nassiuppaa.

Inatsisip oqaasertaanut kiisalu oqaaseqaatinut oqaaseqaatit siunnersuutillu Aatsitassanut Pisortaqarfimmut nassiuteqquneqarput kingusinnerpaamik ulloq 17. februar 2012 uunga bmp@nanoq.gl .

Hent forslag til Inatsisartutlov om Greenland Oil Spill Response A/S pillugu Inatsisartut inatsisissaattut siunnersuut uani aajuk

Inatsisissatut siunnersuummut oqaaseqaatit uani aakkit