Siunnersuut uunga: Imeruersaatit qiimmannartunik akullit (energidrik) inunnut 18-it inorlugit ukiulinnut tuniniarnissaannik sassaalliutiginissaannillu inerteqquteqarneq, kiisalu imeruersaatit qiimmannartunik akullit allagartalersorneqartarneri ussassaarutigineqartarnerilu pillugit Inatsisartut inatsisaat nr. xx, xx. xxxxx 2012-imeersoq

Inatsisissatut siunnersuuteqartoqarpoq Inatsisartut UPA 2011/66-imut atatillugu aalajan-germassuk inunnut 18-it inorlugit ukiulinnut imeruersaatinik qiimmannartunik akulinnik tuniniaasarneq inerteqqutigineqalissasoq.

Inatisissatut siunnersuummi imeruersaatit qiimmannartunik akullit nassuiarneqarput tassaasut najoqqagassat suulluunniit koffeinimik akusat koffeinitaallu literimut 150 mg sinneqartoq. Imeruersaatit qiimmannartunik akullit inunnut 18-it inorlugit ukiulinnut tuniniarnissaat sassaalliutiginissaallu inerteqqutaalissaaq. Pisiniarfimmik neriniartarfimmilluunniit piginnittup aamma pisiniarfimmi neriniartarfimmiluunniit akisussaasup qulakkeertussaavaa inuup 18-ileereersimanerata uppernarsarneqarsinnaanissaa. Inerteqquteqarneq pisiniarfimmi neriniartarfimmiluunniit ersarissumik allagartaqartinneqassaaq.

Inatsisissatut siunnersuut naapertorlugu imeruersaatit qaffasissumik koffeinitaqarnerat mianersoqqussutigalugu kalaallisut qallunaatullu allagartalerneqassapput. Imeruersaatit qiimmannartunik akullit qanorluunniit ussassaarutiginissaat inerteqqutaavoq.

Tusarniaaffigineqartut oqaaseqaatini nalinginnarni allassimapput.

Oqaatigiumasat aamma inatsisip oqaaseqaatillu oqaasertassaattut siunnersuutit Peqqis-sutsimut Naalakkersuisoqarfimmut nassiuteqquneqarput kingusinnerpaamik 16. januar 2012 uunga: suhe@nanoq.gl. 

Bemærkninger til lovforslag om energidrikke