Uunga siunnersuut: Annertuumik innarluutillit ikiorserneqartarnerat pillugu Namminersorlutik Oqartussat nalunaarutaat

Naatsorsuutigineqarpoq nalunaarut atuutilissasoq ulloq 1. januar 2011.

Nalunaarutissatut siunnersuutip matuma tunngavigivaa, innarluutilinnut tunngasoq kommuninut tunniunneqartussaammat. Ullumikkut Isumaginninnermut Naalakkersuisoqarfik piginnaatitaavoq aalajangissallugu, inuk annertuumik innarluutilinnut ilaatinneqassanersoq, aamma atortunik il.il. ikiorsiissuteqartoqarsinnaanersoq. Piginnaatitsineq taanna massakkut kommuninut tunniunneqarpoq, taamaattorli imaalillugu, inuit Danmarkimi inissinneqartussat kommunalbestyrelsimit innersuunneqartassasut, tamatumalu kingorna Isumaginninnermut Naalakkersuisoqarfik tamatumani aalajangiisarluni.

Piginnaatitsinerup nutaamik agguarneqarneranik akuersinerup taamaalilluni kingunerissavaa, nalunaarutip kukkunersiorneqarnissaa pisariaqartilerlugu.