Ullut erfalasulerfiit

Erfalasutta nassuiaataa:

Erfalasutta affaa qulleq qaqortoq tassaavoq sermersuarmik eqqaasitsisoq, qaallorissoq soorunalumi qulliusussaq.

Ammalortup affaa aappalaartuusoq kangerlussuarmut iigartartulimmut ilisarnaataavoq.

Ammalortup affaata qaqortup iluliarsuit oqariartuuteqarfigai; taannalu aappalaartumi angisuumi alliusumi immamut naleqqussagaasumi sarfarsiataarusaartutut inissinneqarsimavoq.

Erfalasutta qalipaataasa danskit erfalasuata qalipaataat assigai taamaattumillu taaguut ’Aappalaartoq’ aammattaaq tassunga tutsiinnarneqarsinnaasimalluni, taamatullumi atorneqartalersimalluni.

Erfalasumik ilusiliisoq: Thue Christiansen.

Aallerfik: http://www.erfalasorput.gl

Ullut erfalasulisaarfissat pillugit Namminersornerullutik Oqartussat nalunaarutaat nr. 26, 11. november 2008-imeersoq

Kalaallit Nunaata erfalasua pillugu inatsisartut inatsisaanni nr. 6, 11. juni 1985-imeersumi § 2 naapertorlugu aalajangersarneqarpoq:

§ 1. Ullut pisortatigoortut pisortat illuutaanni tamani kalaallit erfalasuannik erfalasulerfissat tassaapput:

1. januar	Ukiortaaq
6. januar	Kunngit pingasut ulluat
5. februar	Kunngissap nuliata kunngikkutut ataqqinassusillip Maryp inuuia
6. februar	Kunngikkutut ataqqinassusillip Princesse Mariep inuuia
	Sisamanngortoq illernartoq
	Tallimanngorneq tannaaartoq
	Poorskip ullua
	Poorskip-aappaa
9. april	Danmarkip tiguagaaffia
16. april	Ataqqinartorsuup Dronning Margrethep inuuia
29. april	Kunngikkutut ataqqinassusillip Princesse Benediktep inuuia
1. maj	Namminersornerulernerup eqqunneqarfia/Sulisartut ulluat
	Qilaliarfik
5. maj	Danmarkip aniguisitaaffia
	Piinsi
	Piinsip-aappaa
26. maj	Kunngikkutut ataqqinassusillip Kronprins Frederiup inuuia
5. juni	Inatsisitaarfik
7. juni	Kunngikkutut ataqqinassusillip Prins Joachimip inuuia
11. juni	Kunngikkutut ataqqinassusillip Prins Henriup inuuia
15. juni	Valdemarip ullua/Kattuteqqinnerup ullua
21. juni	Kalaallit Nunaata inuiattut ullua
3. juli	Hans Egedep ullua
24. oktober	FN-ip ullua
21. december	Ullukinnersiorfik
24. december	Juulliaraq
25. december	Juullip ullua
26. december	Juullip-aappaa

§ 2. Erfalasoq amuneqartassaaq kingusinnerpaamik nalunaaqutaq 09.00 peerneqartarlunilu nalunaaqutaq 17.00 kingusinnerpaamillu nalunaaqutaq 20.00. Ulluni erfalasoqarfiusuni erfalasoq apissillugu amuneqartassaaq taamaallaat pinnagit ullut erfalasulisaarfiit imm. 2-mi 3-milu taaneqartut.

Imm. 2. Tallimanngornermi tannaartumi erfalasoq qiteqqusimassaaq. Pisortatigut ulloq alla tallimanngornermi tannaartumi pippat erfalasoq ulloq naallugu qiteqqusimassaaq.

Imm. 3. Ullormi Danmarkip tiguagaaffiani 9. april erfalasoq qiteqqusimassaaq nalunaaqutaq 12.00-ip tungaanut, tamatuma kingornatigut apissillugu amusimassaaq, takuulli imm. 2.

§ 3. Nalunaarummi matumani inerteqqutaanngilaq ulluni allani erfalasulisaartarneq, soorlu ilagiit nalliuttuini imaluunniit nalinginnaasumik nalliuttorsiorfinni.

§ 4. Nalunaarut manna 15. november 2008 atortuulerpoq.

Imm. 2. Tamatuma peqatigisaanik ullut erfalasulisaarfiit pillugit Namminersornerullutik Oqartussat nalunaarutaat nr. 16, 17. juni 2005-meersoq atorunnaarpoq.

Namminersornerullutik Oqartussat, ulloq 11. november 2008

Hans Enoksen/Kaj Kleist