Tasiilaq

Air Greenland A/S-ip distrikti qulimiguulik Bell 212, qulingiluanik ilaasoqarsinnaasoq atorlugu sullissivoq. Qulimiguulik Tasiilamit aallaaveqarpoq. Sapaatit akunnerannut minnerpaamik marloriarluni timmisartuussisoqartarpoq.

Sikoqannginnerata nalaani Royal Arctic Bygdesrvice A/S nassiussanik assartuisarpoq. Usinik assartuutip ilaasoqarsinnaanera killeqarpoq.

Niuernermik tunngaveqarluni angallassineq

Air Greenland ukioq kaajallallugu timmisartumik Kangerlussuarmut. timmisartuussisarpoq. 

Reykjavik - Kulusuk - Nerlerit Inaat

Air Iceland-ip Reykjavik - Kulusuk (Tasiilaq) - Nerlerit Inaat (Ittoqqortoormiit) timmisartuusivigisarpai. Kulusummut ukiuunerani sapaatit akunnerannut marloriarluni pingasoriarluniluunniit timmisartuussisarpoq, aasaaneranilu junimiit septembarip tungaanut sapaatit akunnerannut arfinileriarluni timmisartuussisarluni aammalu Nerlerit Inaannut sapaatit akunnerannut marloriarluni timmisartuussisarluni.

Kaperlaap nalaani (novemberimiit februaarimut) Reykjavik - Kulusuk- Reykjavik sapaatit akunnerannut marloriarluni timmisartuusivigineqartarpoq.