Air Greenland A/S Kujataani illoqarfiit akornanni, Narsarsuaq ilanngullugu, qulimiguulik Sikorsky S-61N, 19-it missaannik ilaasoqarsinnaasoq atorlugu timmisartuussisarpoq. Nunaqarfiit qulimiguulik minneq tallimat qulingiluallu akornanni ilaasoqarsinnaasoq atorlugu timmisartuussivigineqartarput.
Sapaatit akunnerannut ataasiarluni tallimariarluniluunniit illoqarfiup nunaqarfiillu akornanni timmisartuussisoqartarpoq.
Sapaatit akunnerannut ataasiarluni marloriarluniluunniit nunaqarfinnut nioqqutissanik nutaanik allakkanillu assartuisoqartarpoq.
Sapaatit akunneri pingasukkaarlugit nassiussanik oqimaatsunik piffissamilu sivisuumi atasinnaasunik assartuisoqartarpoq. Umiarsuaaqqat assartuutit ilaasoqartanngillat.
Niuernermik tunngaveqarluni angallassineq
Arctic Umiaq Line apriilip aallartinneraniit decembarip aallartinneranut avannamut Ilulissaniit kujammut Narsarsuarmut umiarsuarmik angalasarpoq.
Air Greenland A/S ukioq kaajallallugu timmisartumik imaluunniit qulimiguulimmik Nuummut timmisartuussisarpoq.
Royal Arctic Line A/S nassiussanik Qaqortumut assartuisarpoq.