Air Greenland A/S Kujataani illoqarfiit akornanni (Alluitsup Paa Narsarsuarlu ilanngullugit) qulimiguulik Sikorsky S-61N, 19-it missaannik ilaasoqarsinnaasoq atorlugu timmisartuussisarpoq. Nunaqarfiit qulimiguulik minneq tallimaniit qulingiluanik ilaasoqarsinnaasoq atorlugu timmisartuussivigineqartarput.
Sapaatit akunnerannut ataatsimiit tallimariarluni timmisartuussisoqartarpoq.
Sapaatit akunnerannut ataasiarluni marloriarluniluunniit nunaqarfinnut nioqqutissanik nutaanik allakkanillu assartuisoqartarpoq.
Sapaatit akunneri pingasukkaarlugit nassiussanik oqimaatsunik piffissamilu sivisuumi atasinnaasunik assartuisoqartarpoq. Umiarsuaaqqat assartuutit ilaasoqartanngillat.
Niuernermik tunngaveqarluni angallassineq
Royal Arctic Line A/S nassiussanik Nanortalimmut assartuisarpoq.