Royal Arctic Bygdeservice A/S angallatit nioqqutissanik nutaanik assartuutit, aqqaneq marluk tikillugit ilaasoqarsinnaasut atorlugit Qeqqani illoqarfinnit nunaqarfinnillu ilaasunik angallassisarpoq. Nunaqarfinnut minnernut sapaatit akunnerannut ataasiarluni marloriarluniluunniit angallassisoqartarpoq, nunaqarfinnullu annernut sapaatit akunnerannut marlunniit sisamariarluni angalassisoqartarluni.
Sapaatit akunneri pingasukkaarlugit nassiussanik oqimaatsunik piffissamilu sivisuumi atasinnaasunik assartuisoqartarpoq. Umiarsuaaqqat assartuutit ilaasoqartanngillat.
Niuernermik tunngaveqarluni angallassineq
Arctic Umiaq Line apriilip aallartinneraniit decembarip aallartinneranut avannamut Ilulissaniit kujammut Narsarsuarmut umiarsuarmik angalasarpoq.
Air Greenland A/S ukioq kaajallallugu timmisartumik Sisimiunut Nuummullu timmisartuussisarpoq.
Royal Arctic Line A/S nioqqutissanik Maniitsumut assartuussisarpoq.