Namminersornerulernissamut aqqut

Taalliortut erinarsortartullu kalaallisut allanneq erinarsornerlu pingaarteqqilerpaat. Kisiannili politikkimut ingerlatamut nipit akerliunerpaatut saqquminerusut tassaapput kalaallit inuusuttut ingerlaqqiffiusumik ilinniartitaasimanermik allagartaqarlutik Kalaallit Nunaannut utersimasut.

1970-imi junimi Knud Rasmussenip Højskoliani Sisimiuniittumi oqqatseqqaarneqarpoq, akerliuneq isertuanngitsumik saqqummiunneqarluni.

Ukiup tullianilu 1971-imi inuusuttunnguit politiikerit pingasut, Jonathan Motzfeldt, Lars Emil Johansen Moses Olsenilu, Landsrådimut qinigaallutik iserput. Taakku siulersuisut pingasuusut kalaallit nunaanni politikkiusumik allannguinermut qulakkeerinnittuupput.

Partii Siumut pilersippaat Namminersornerunermik piumasaqaateqartoq taamaasilluni kalaallinik inuiaqatigiinnik kalaalinngorsaalluni. Taamaasilluni Kalaallit Nunaata allanit aqunneqarnera killeqassalluni.
1972-imi EF-imut ilaasortanngornissamut ilaasortanngunnginnissamulluunniit kongeqarfimmi tamarmi inuit taasitinneqarput. Kalaallit Nunaanni 70 %-it ilaasortanngornissamut akerliupput, kisiannili Savalimmiutulli Kalaallit Nunaanut namminersornerunermik aaqqissuussineqarsimanngimmat Danmarkip EF-imut ilaasortanngorneranut Kalaallit Nunaat malinnaaginnartariaqarpoq.

Moses Olsenilu tamatuma nalaani danskit inatsisartuinut ilaasortaasoq isummanik oqaaseqartippa, Danmarkimut attaveqarnitta piviusumik allanngornissaanut piffissanngorsimasoq.

Nalunaarulli paatsoorneqangaarpoq, Danmarkimilu inuppassuit imatut nalunaarut paasisimavaat, soorlu Ka-laallit Nunaata Danmarkimiit avissarnissani kissaatigigaa. Taamatulli isumaqartoqanngilaq, danskillu naalakkersuisa tulliusumik siullermik ataatsimiititaliaq pilersippaat, kingusinnersukkullu kommissioni (Namminersornerulernissamut kommissioni) taassumalu Namminersornerullutik Oqartussat eqquttussaallugit.

Tamannalu 1979-imi majip aallaqqaataani eqqunneqarpoq. Ingerlatsiviit annikitsunnguit eqqaassanngikkaanni, soorlu eqqartuussiveqarneq, nunanut allanut sillimanissamullu politikkeqarneq aningaasanut tunngasutigut politikkeqarneq, isumaqatigiisuteqarniarnerup kingorna ingerlatsiviit nuutsissallugit Kalaallit Nunaanni aqutsinikkut pissutsinut pissusissamisoortumik inissisimasussat Kalaallit Nunaata piginnaatitaaffigai.