Olie-gassimillu akuersissutit marluk: Akuersissut nr. 03/97 kisermaassilluni kulbrintinik qinaasinissamik qalluiniarnissamillu Kitaani Fyllas Bankip imartaata eqqaani ( Fyllamik akuersissut) kiisalu akuersissut nr. 09/98 kisermaassilluni kulbrintinik qinaasinissamik qalluiniarnissamillu Kitaani Sisimiut kitaata imartaani ( Sisimiut akuersissut) akuersissutinik piginnittunik utertinneqarput 31. december 2001 aallarnerfigalugu.
Fylla gruppemi piginnaatinneqartut tassaapput Statoil (sullissisussaq),Philips Petroleum, DONG- Kalaallit Nunaat kiisalu Nunaoil. Sisimiut gruppemi piginnaatinneqartut tassaapput Philips Petroleum Sisimiut ( sullissisussaq), Statoil, DONG-Kalaallit Nunaat kiisalu Nunaoil.
Paasissutissat pineqartuni taakkunani iperarneqarput 31. december 2001.
Annertunerusunik paasissutissanik nalinginnaasunik pissarsisoqarsinnaavoq Aatsitassanut Ikummatissanullu Pisortaqarfimut (AIP) saaffiginnilluni, Pisortaq Hans Kristian Schønwandt, tlf. +299 34 68 07 (www.bmp.gl).
