Kalaallit Nunaanni aatsitassarsiorneq avatangiisillu
Aappaagu Kalaallit Nunaata kujataani kuultisiorfik ammarneqassagunarpoq, ukiualuillu ingerlaneranni immaqa aamma aatsitassarsiorfiit allat Kalaallit Nunaata kitaani pilersinneqarumaarlutik. Aatsitassarsioqatigiiffiit Kalaallit Nunaat tamaat aatsitassaqarneranik misissueqqissaarfigaat. Aatsitassanut ikummatissanullu tunngasut qallunaat-kalaallit ataatsimoorlutik oqartussaaffigaat aammalu Namminersornerullutik Oqartussat Aatsitassanut Ikummatissanullu Pisortaqarfiannit Nuummiittumi allaffissornikkut aqunneqarlutik.
Aatsitassarsiortitseqatigiiffiit Kalaallit Nunaanni aatsitassaqarneranik misissuilissagaangata imaluunniit aatsitassarsiornivimmik aallartitsissagaanngata Namminersornerullutik Oqartussat ullumikkut avatangiisinut tunngasunik qassiinik piumasaqaateqartarput. Danmarkimi Avatangiisinik Misissuisoqarfik (DMU) tamatumani Aatsitassanut Ikummatissanullu Pisortaqarfimmut siunnersortitut pingaarutilimmik inissisimavoq. Danmarkimi Avatangiisinik Misissuisoqarfiup nalunaarusiaani allaaserineqarpoq avatangiisit aatsitassarsiornermit kiisalu aatsitsassaqarneranik misissueqqissaarnermit qanoq sunnerneqartarnersut aammalu suliat tamakku avatangiisitigut isumannaatsumik ingerlanneqarsinnaanersut.
Nalunaarusiakkut atuartussat oqaluttuunneqarput aatsitassarsiornerit 1854-imiit 1990-imut ingerlanneqartarsimasut pillugit aammalu Kalaallit Nunaanni maanna aatsitassaqarneranik misissueqqissaarnerit pillugit. Atuartoq aammattaaq ilisimatinneqarpoq avatangiisinut tunngasut aatsitassarsiornerit immikkoortortaasa amerlaqisut nalilersorneqarnerannut qanoq ilaasarnersut. Allaaserinnittut oqaluttuaraat maannamut aatsitassarsiorfiit matuneqarsimasut pingasuusut mingutsitsinikkut qanoq ittunik ajornartorsiuteqarsimanersut kiisalu saffiugassakkut aqerloq zinkilu qanoq siammartarnersut qanorlu sunniuteqartarnersut. Kiisalu allaaserinnittut oqaluttuaraat inuit piliaat qanoq uumassusilinnut sunniuteqartarnersut.
Ilisimasat tamakku aallaavigalugit Aatsitassanut Ikummatissanullu Pisortaqarfiup Kalaallit Nunaanni sumiiffiit qassiit aalajangersimavai uumassusilinnut immikkut pingaaruteqartutut aammalu aatsitassarsiorfigineqassappata immikkut akuersissuteqarfigiusariaqartutut.
Paasissutissat sukumiinerusut.
Seniorforsker Christian M. Glahder
Danmarks Miljøundersøgelser
Afdeling for Arktisk Miljø
Tlf. 4630 1946
Nalunaarusiap qallunaatoortaa.
Minedrift og miljø i Grønland (Kalaallit Nunaanni aatsitassarsiorneq avatangiisillu)
Poul Johansen Gert Asmund, Christian M. Glahder, Peter Aastrup, DMU samt Karsten Secher, GEUS
TEMA-rapport fra DMU nr. 38, 56 sider, kr. 50,- (10 stk. kr. 375,)
Nalunaarusiaq DMU-p Internettikkut quppernerani takuneqarsinnaavoq www.dmu.dk
Nalunaarusiap kalaallisoortaa.
Kalaallit Nunaanni aatsitassarsiorneq avatangiisillu (Minedrift og miljø i Grønland)
Poul Johansen Gert Asmund, Christian M. Glahder, Peter Aastrup, DMU samt Karsten Secher, GEUS
TEMA-rapport fra DMU nr. 38, 56 sider, kr. 50,- (10 stk. kr. 375,)
Atuagaarniarfimmi uaniluunniit pisiarineqarsinnaapput:
Danmarks Miljøundersøgelser,
Postboks 358, 4000 Roskilde
Tlf. 3395 4000, fax 33927690
Immikkut soqutiginnilluartut nalunaarusiap kalaallisoortortaanik ataatsimik pisinnaapput uani:
Aatsitassanut Ikummatissanullu Pisortaqarfik
Råstofdirektoratet
Box 930
3900 Nuuk
Tfl. 346800
Fax: 32 43 02
e-mail: bmp@gh.gl
web: www.bmp.gl
Inussiarnersumik inuulluaqqusillunga
Lida Lorentzen