Aasaanerani nalunaaqutaq atuutilerpoq
Piffissaq31.03.2002
Aaqqissuisoq
31. marsi 2002
Aasariartoqqilerpoq, ukiuuneranilu nalunaaquttap aasaanerani nalunaaquttamut nuutsinnissaa piffissanngulerpoq. Sapaatiuppat martsip 31-ianni 2002, nalunaaqutaq aasaanerani nalunaaquttamut nuutsinneqassaaq. Tamanna pisortatigoortumik pissaaq arfininngornerup sapaatillu akornanni unnunnerani. Tassa imaappoq, arfininngorpat martsip 30-anni nalunaaqutaq 22.00 nalunaaqutaq akunnermik ataatsimik siuartinneqassaaq 23.00-inngortillugu. Ittoqqortoormiunut tunngatillugu aasaanerani nalunaaqutaq atuutilissaaq sapaammi martsip 31-ianni nal. 00.00, taamaasinerani nalunaaqutaq 01.00-inngortinneqassalluni. Danmarkshavni Pituffimmilu sakkutooqarfik eqqarsaatigalugit aasaanerani nalunaaqutaq taakkunani atuutsinneqassanngilaq.
Namminersorlutik Oqartussat, Imaneq 4, Postboks 1015, 3900 Nuuk, Oqarasuaat: (+299) 34 50 00, Fax: (299) 32 50 02, E-mail: info@nanoq.gl