18. april

Naalakkersuisut ulloq 18. April ataatsimiikkamik makku aalajangerpaat

UPA 2012/65-imut akissuteqaat, Kalaallit ilinniagaqartut, ilinniarnissartik siunertaralugu nunanut allanut nuukkallarsimasut Inatsisartunut qinersinerni qinerseqataasalernissaasa sulissutigingasuarnissaat pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
Naalakkersuisut aalajangerput, akissuteqaat ilusimisut iluseqartillugu akueralugu.

Paasissutissat sukumiinerusut Pisortaq Hans-Erik Bresson Nunamut Namminermut, Pinngortitamut Avatangiisinullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

UPA 2012/43 Uunga siunnersuut: Aalisarneq pillugu Inatsisartut inatsisaata allann-gortinneqarneranik Inatsisartut inatsisaat nr. xx, xx. xx 2012-meersoq.
Naalakkersuisut aalajangerput:

• Aalisarneq pillugu Inatsisartut inatsisaata nr. 18. 31. Oktober 1996-imeersup allanngortinnissaanut siunnersuutip oqaaseqaatillu tassunga atasut kiisalu
• saqqummiussissutissatut siunnersuutip aamma akuersissutigalugit.

Paasissutissat sukumiinerusut Pisortaq Jens K. Lyberth Aalisarnermut, Piniarnermut Nunalerinermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput