30. December

Naalakkersuisut ulloq 30. december ataatsimiikkamik makku aalajangerpaat

Silaannakkut angallassinermut Islandimut isumaqatigiissutip akuerineqarnissaa pillugu.
Naalakkersuisut aalajangerput:

• Agreed Minute aamma Danmarkip aamma Islandip akornanni silaannakkut angallassinermut isumaqatigiissut, Reykjavikimi 22. marts 1950-imi naammassineqartoq pillugu nalunaarummut Apendix 2 Naalakkersuisunit akuerineqassasut inassutigineqarpoq.

- isumaqatigiissummi immikkoortut pingaarnerit ukuupput:

• siunissami ilaasunik angallassivinni akulikissuseq pisinnaasallu eqqarsaatigalugit Islandimi aamma Kalaallit Nunaanni illoqarfiit uku akornanni aalajangersagaanngitsumik timmisartuussisoqartalissaaq: Reykjavik, Keflavik, Akureyri aamma Egilstadir aamma Nuuk, Sisimiut Ilulissat, Narsarsuaq, Kulusuk aamma Nerlerit Inaat.
• siunissami ilaasunik angallassivinni akulikissuseq pisinnaasallu eqqarsaatigalugit nunat marluk taakku akornanni nunamut allamut/nunamit allamiit aalajangersagaanngitsumik timmisartuussisoqartalissaaq.
• attartortitsilluni timmisartuussisarnissamut qinnuteqaatit suliarineqartarnerat siunissami ingerlatseqatigiiffinnut paasiuminarnerulissapput, aammalu piffissaq suliaqarfiusoq sivikillineqassaaq.
• isumaqatigiissut illuatungeriinnit atsiorneqarnerminiit sukkulluunniit isumaqatiginninniutigineqaqqissinnaassaaq, imaluunniit ukiumik ataatsimik sioqqutsilluni ilisimatitsinikkut nunanit illuatungeriinnit atorunnaarsinneqarsinnaassalluni.

Paasissutissat sukumiinerusut Pisortaq Steffen Ulrich-Lynge Ineqarnermut, Attaveqarnermut Angallannermullu Naalakkersuisoqarfik oqarasuaat 34 50 00 saaffiginnilluni pissarsiarineqarsinnaapput

Mittarfeqarfiit innaallagissamut, imermut kiassarnermullu akigititassaasa akuerineqarnissaat pillugu.
Naalakkersuisut aalajangerput:

• 1. januar 2012 aallarnerfigalugu Mittarfeqarfeqarfiit akigititassaattut siunnersuutigineqartut akuerineqassasut,
• isummernissamut tunngavissiap matuma Inatsisartut Aningaasaqarnermut Ataatsimiititaliaannut ingerlateqqinneratigut, ataatsimiititaliaq akigititassat nutaat pillugit ilisimatinneqassasoq.

Paasissutissat sukumiinerusut Pisortaq Steffen Ulrich-Lynge Ineqarnermut, Attaveqarnermut Angallannermullu Naalakkersuisoqarfik oqarasuaat 34 50 00 saaffiginnilluni pissarsiarineqarsinnaapput

Nukissiuuteqarnermi politikkikkut nassuiaat – 2011-p akuerineqarnissaa.
Naalakkersuisut aalajangerput, Nukissiuuteqarnermi politikkikkut nassuiaat allakkallu akuerineqassasut, aammalu Inatsisartuni ilaasortanut nassiussuunneqassasut.

Paasissutissat sukumiinerusut Pisortaq Steffen Ulrich-Lynge Ineqarnermut, Attaveqarnermut Angallannermullu Naalakkersuisoqarfik oqarasuaat 34 50 00 saaffiginnilluni pissarsiarineqarsinnaapput

2012-imi puisit amiinut tunisinermi tapiissutit pillugit kiffartuussinissamik isumaqatigiissut.
Naalakkersuisut aalajangerput:

• Inassuteqaat iluarsiissutitalerlugu akuersissutigalugu.
• Aalisarnermut, Piniarnermut Nunalerinermullu Naalakkersuisoqarfiup (APNN) aamma Great Greenland A/S-ip akornanni kiffartuussinissamut isumaqa-tigiissusiortoqassasoq 9.808.000 kr.-inik nalilimmik, tunisinermilu tapiissutit katillugit 15.969.000 kr.-utillugit, tassa periarfissaq 2B malillugu, tassungalu Kalaallit Nunaanni Ammeriviup siunissaa pillugu nassuiaammi inassutigine-qartumut naapertuuppoq,
• Great Greenland A/S-ip tunitsivinnik nutaanik ammaassisinnaanissaanik aamma/imaluunniit tunitsiviit allat matusinnaanissaannik pisariqartitaassappat piginnaatitaanermik tunineqassasoq, akuersissutip killinga qaangernagu aamma tunisassiat amerlassusaat isumaqatigiissut eqqortumik malinneqar-tillugit.
• Great Greenland A/S-i APNN-i isumasioqatigalugu bonus-imik iluanaarummik atulersitsitsisinnaanissaanik piginnaatitaanermik tunineqassasoq aningaasar-tuutissanut inatsit akuersissut atuuttoq malinneqartillugu.
• Inatsisartut Aningaasaqarnermut Ataatsimiititaliaa massuminnga isummer-nissamut tunngavissiap ilanngussartai ilanngullugit assilineranik ilisimatinne-qassasoq.

Paasissutissat sukumiinerusut Pisortaq Jens K. Lyberth Aalisarnermut, Piniarnermut Nunalerinermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

2012-imi akileraarutitigut naligiissaanissaq aamma kommuninut ataatsimut akileraarutip agguataarneqarnissaa pillugit nalunaarut pillugu.
Naalakkersuisut aalajangerput, 2012-imi akileraarutitigut naligiissaanissaq aamma kommuninut ataatsimut akileraarutip agguataarneqarnissaa pillugit nalunaarummut missingiut Naalakkersuisut akuersissutigissagaat.

Paasissutissat sukumiinerusut Pisortaq Jan H. Pedersen Aningaasaqarnermut Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput