Inatsisit, peqqussutit malittarisassanillu nalunaarutit

Inatsisit, nalunaarutit peqqussutillu
2010-mi nalunaarutigineqartut
2011-mi nalunaarutigineqartut
2012-mi nalunaarutigineqartut 

Inatsisartut Naalakkersuisullu pillugit Inatsisartut inatsisaat nr. 26, 18. november 2010-meersoq

§ 31. Inatsisartut inatsisaat aamma Namminersorlutik Oqartussat nalunaarutaat, taakku allaasumik aalajangiinngippata, ullup unnuallu tamanut saqqummiunneqarfimmik kingornatigut ullup unnuallu tulliuttup aallartinnerani aammalu Inatsisartut inatsisaata imaluunniit Namminersorlutik Oqartussat nalunaarutaata tamanut saqqummiunneranni www.nanoq.gl-ikkut atortuulertassapput. www.nanoq.gl-ikkut ilanngussinerit tamarmik tamanut saqqummiussinerup ulloq suna pisimanera pillugu paasissutissamik imaqartassapput. Tamanna tamanut saqqummiusseriaasiuvoq unioqqutinneqarsinnaanngitsoq.
Imm. 2. Inatsisartut inatsisaat, Inatsisartut peqqussutaat imaluunniit Namminersorlutik Oqartussat nalunaarutaat tunngavigalugit kommunit maleruaqqusaliaannut tunngatillugu imm. 1 taamatuttaaq atuuppoq.