Kalaallit Nunaanni ukioq manna misissuinissami pilersaarutaasut paasissutissatai 2009-mi

"Aatsitassanut Pisortaqarfiup saqqummersippaa Kalaallit Nunaanni aasakkut ukiakkullu 2009-mi uuliasiorluni suliat pillugit paasissutissiissut.

Quppersakkami periuserineqartut assigiinngitsut nassuiarneqarput, aammalu suliat ataasiakkaat sumiinnerat qangalu ingerlanneqarnerat oqaluttuarineqarpoq attaveqarfissallu ilanngunneqarlutik.

Quppersagaq aalisartunut, tunisassiorfinnut allanullu imarsiortunut sammititaavoq, aammali piffissami kingullermi Kalaallit Nunaanni uuliamik misissuinertigut piorsaaneq tamanut soqutiginartunngorlugu allaaserineqarluni.

Paasissutissiissut kalaallisut qallunaatullu immikkut suliaavoq. Quppersagaq pappialanngorlugu A5-itut angissusilerlugu perusukkaanni Aatsitassanut Pisortaqarfik attaveqarfigineqarsinnaavoq ugguuna bmp@gh.gl."