Kalaallit Nunaata Danmarkimi sinniisui

Nunanut allanut tunngasutigut sunniutaasuupput suliassat angalangaatsiarnermik kinguneqartut isumagitinneqartarmata - Aallartitaqarfimmi sulisunit Naalakkersuisut Allattoqarfianit, Nunanut Allanut Tunngasunut Pisortaqarfimmit imaluunniit pisortaqarfinnit ataasiakkaanit aalajangersimasunit pisinnaatinneqarlutik isumaginnittunit. Tassani pineqarnerupput suliassat aalisarnermut, nunat avannarlernut suleqatigiinermut kiisalu illersornissaq pillugu tunngasunut suliassat.

Pingaarnertut taaneqarsinnaapput nunanik avannarlernik suleqateqarnermi, Københavnimi Silaannaap kisakkiartornera pillugu 2009-mi ataatsimeersurnissamut suliassat kiisalu sillimaniarnermut tunngasutigut suliassat isumagineqarnissaat.

Kalaallit Nunaata Sinniisoqarfiani sulorisat suliassanik taagorneqartunik isumaginninnerisa kingunerivaat, Namminersornerullutik Oqartussat aallartitatigut peqataatinneqarnerat ataatsimiinerni aamma suleqatigiikkuutaani peqataallutik. Nuummiit aallartitsisoqassagaluarpat ullunik angalaffinnik arlalissuarnik nassataqarfiusussaagaluartuni kiisalu taakkua malitsigisaannik aningaasartuuterpassuussagaluanik il.il. sipaaruteqarfiulluni. Aammattaaq Sinniisoqarfik isumaqatigiinniarnerni ataatsimiiffiusarpoq, soorlulusooq allaffik Københavnimi nunat allat aallartitaqarfiinut il.il. ataqatigiissaarisartoq. Nunanut Allanut Tunngasunut Pisortaqarfik pisortaqarfiillu sulianut tunngassutigut akisussaassusut atugassaqartitsisuusarput.