Kalaallit Nunaata Bruxelles-imi Sinniisoqarfia

Sinniisoqarfimmi inuttaapput ministerråd aallartitaq aamma ambassadesekretær aallartitaq, marluullutik naalagaaffimmit aallartitatut inissisimasut, kiisalu allatsi nunami tassanimioq. 2002-mit Sinniisoqarfik atavaartumik sulinermik sungiusartumik aamma sulisoqartinneqarpoq qaammatini arfinilinni atorfinitsinneqartartunik.

Den Europæiske Unionimut aallartitatut allagartaqarnerup saniatigut ministerrådi Namminersornerullutik Oqartussat Belgiami Frankrigimilu aallartitaasutut allagartaqartinneqarportaaq

Sinniisoqarfimmit qulequttat pingaarnerit pingasut ingerlanneqarput:

• EU-p aamma Kalaallit Nunaata akornanni aalisarnermut isumaqatigiissut.
• EU-p aamma Kalaallit Nunaata akornanni peqatigiilluni suleqatigiinnissamut isumaqatigiissut.
• OLT-mik aaqqissuussineq.

Tamatuma saniatigut Sinniisoqarfiup Kalaallit Nunaata EU-mut soqutigisai pingaarnerit isumagisarivai. Puisit amiisa EU-mut eqqunneqartarnerinut suliarineqartarnerinullu killilersuinermut apeqqut 2006-imi EU-parlamentimit aalajangersaaffigineqarmat tamanna annertuumik sammineqarsimavoq. Kiisalu Sinniisoqarfiup kalaallinut tunngassuteqartut EU-mut ilisimatitsissutigisarpai EU-mullu tunngassuteqartut kalaallinut ilisimatitsissutigineqartarlutik, kiisalu Naalakkersuisunut, Inatsisartunut aamma Qitiusumik aqutsivimmut kiffartuussineq ingerlanneqartarluni.