Nunani tamalaani suliniutinut tapiissuteqartarneq

Tunuliaqutaasoq

Nunanut Allanut Pisortaqarfiup anigaasat kalaallit kattuffiinut aamma nunat tamalaat kattuffiinut, suleqatigiinnut inunnullu ataasiakkaanut tapiissutigineqartussatut siunertaasut allaffissornikkut aqutarai, taakku suliniutinik ineriartortitsinissamut, suleqatigiinnissamut imaluunnit allatigut Namminersornerullutik Oqartussanit pingaartinneqartunut peqataanissamut kissaateqarneranni.

Pikkorissarnernut, isumasioqatigiinnernut, ataatsimiinnernut, suliniutinut il.il. angalanissamut peqataanissamullu aningaasanik qinnuteqartoqarsinnaavoq.

Nunani tamalaani 2010-mut ingerlatsinernut aningaasartuutit ajoraluartumik atorneqareerput

Ataatsimut isigalugu qinnuteqaatit makkununnga naleqquttuussapput:

• Kalaallit Nunaata Nunanut tamalaanut naleqqiullugu inissisimaneranut
• USA-mik suleqateqarnermut
• Nunanik issituniittunik suleqateqarnermut
• Nunanik tamalaanik suleqateqarnermut

Qinnuteqarnermi makku paasissutissiissutigineqassapput:

• Suliniutip siunertaa
• Qinnuteqarnikkut Namminersornerullutik Oqartussat nunanut siunertaasa anguniarnerani sutigut ilapittuuteqartoqarsinnaava
• Aningaasatigut missingersuutit
• Aningaasat qinnuteqaatigisat

Tapiissutinik pissarsinermi angalanermi nalunaarusiamik sukumiisumik piumasaqaateqartoqarpoq.

Qinnuteqaammut killigititaq:

Nunanut Allanut Pisortaqarfik ataavartumik qinnuteqaatinik tigusisarpoq, aningaasaliissutillu nungunnginnerini tapiissuteqartoqarsinnaavoq.