Kalaallit Nunaat siullermeerluni USA-mi senatoriniit tikeraarneqarpoq tamannalu iluatsittumik aaqqissuunneqarpoq, tamatumani taakkua namminneq isiminnik Ilulissat kangiat takuniarpaat ukiunilu kingullerni silaannaap allanngoriartuutai pillugit nassuiaalluarneqarlutik, peqatigitillugulu pimoorussaanngitsumik imminnut ilisarisimalernissaminnut saamisanillu assigiinngitsunik oqalliseqarnissamut periarfissinneqarlutik.
Aningaasaqarnermut nunanullu allanut naalakkersuisoq Josef Motzfeldt, tikeraartitsisuusoq, ima oqaaseqarpoq:
"Amerikamiut senatianniit aallartitat nunamut maanga tikilluaqquneqarnissaat nuannaarutissaavoq namminnerlu isiminnik nunap qanoq issusianik, politikikkut aningaasaqarnikkullu pissutsinik, silaannaap allanngoriartorneranik Kalaallit Nunaannullu siunissami qanoq pisoqalerumaarneranik takutinnissaannut periarfissillugit. Nuna pillugu qanorlu inuunitsinnik paasitinneqarnissaminnut soqutiginnittorujussuupput alapernaaseqalutillu. Taamatuttaaq pinngortitamik, minnerunngitsumillu Ilulissat eqqaanni kangianik qanimut takusaminnik, tupigusuutiginnipput."
"Amerikamiut tungaanniit Kalaallit Nunaannik soqutiginnilluarneq takutinneqartoq ukiullu marluk siornatigut Igalikumi atsioqatigiinnitta kingorna malunnarsiartorsimasoq nuannaarutigaarput. Tamanna kitaanut attaveqarnitta annertusarneqarnissaanut tunngalluinnarpoq, peqatigitillugulu nunarsuarmi politikikkut qanoq issutsip siunissatsinnullu nammineernerulernissatsinnut pilersaarutitta ilaatigullu nunami maani aningaasarsiornikkut ineriartorfiusinnaasunik nassuiaateqarnissatsinnik periarfissinneqarpugut. Taamaalilluni suliaq tamanna qangamut naleqqiullugu nunarsuarmut ammariartuaarnitsinni suliniummut ilaalluinnarpoq, taamaalillutalu akuersaarneqarnissatsinnut ilisimaneqarnerulernissatsinnullu, siunissamut iluaqutaaginnartussamut, pissarsiaqarpugut."
Naalakkersuisup saniatigut nunanut allanut ministeri Per Stig Møller aamma avatangiisinut ministeri Connie Hedegaard tikeraarnermi peqataapput, taamaalilluni suliniut Kalaallit Nunaata Danmarkillu akornanni peqatigiinnikkut ingerlanneqarluni.
Gruppebillede af grønlandsk, dansk, amerikansk delegation ved Ilulissat isbræ.
Foto: Inuuteq Holm Olsen
De fire amerikanske senatorer med fruer samt den amerikanske ambassadør i Danmark.
Foto: Inuuteq Holm Olsen
Josef Motzfeldts modtagelse af senator John MacCain i Kangerlussuaq.
Foto: Elly Hauge Pedersen
Josef Motzfeldts modtagelse af senator John MacCain i Kangerlussuaq.
Foto: Elly Hauge Pedersen
Demonstration i Ilulissat.
Foto: Elly Hauge Pedersen
Demonstration i Ilulissat.
Foto: Elly Hauge Pedersen
Demonstration i Ilulissat.
Foto: Elly Hauge Pedersen
Landsstyremedlem Josef Motzfeldt og Senator John MacCain.
Foto: Elly Hauge Pedersen
Gruppebillede ved Ilulissat isfjord.
Foto: Elly Hauge Pedersen
Gruppebillede ved Ilulissat isfjord.
Foto: Elly Hauge Pedersen
"Familiefoto" af hele US senator besøgs delegationen ved Arctic Hotel, Ilulissat.
Foto: Elly Hauge Pedersen
Josef Motzfeldts afsked med John MacCain i Kangerlussuaq.
Foto: Elly Hauge Pedersen