Nunanut allanut ministeri Lene Espersen Nuummut tikeraalerpoq

Nunanut allanut ministeri Lene Espersen septembarip arfernganni arfineq-aappaannilu 2010 Nuummut tikeraassaaq. Ministerip Nuummiinneranut atatillugu Naalakkersuisut siulittaasuat Kuupik Kleist tusagassiortunik katersortitsiniarpoq, tamanna pissaaq ataasinngornermi 6. september 2010 nal. 16.00. Tusagassiortunik katersortitsineq Naalakkersuisut tusagassiortunik katersortitsisarfiani ingerlanneqassaaq.

Naalakkersuisunut siulittaasup Kuupik Kleistip nunanut allanut ministeri Lene Espersen ataasinngornermi 6. september 2010 tikittussaq perngaammik ataatsimeeqatigissavaa.

Naalakkersuisunut siulittaasup aamma nunanut allanut ministerip naalakkersuinikkut unammilligassat ilaatigut eqqartussavaat, kiisalu sammisat arlallit qanoq isumaqarfigissanerlugit, soorlu silaannaap allanngoriartornera Kalaallit Nunaannullu annertuumik soqutiginaatillit, Issittumut tunngasut aamma Issittumi Siunnersuisooqatigiit ataatsimut isigalugit sammisassaat.

Tamakku saniatigut Kalaallit Nunaata EU-mik isumaqatiginninniarnissaa aamma oqaloqatigiissutigissavaat, USA-p tungaanut attuumassuteqarneq kiisalu killeqarfiit killilersorneqarnissaat pillugit apeqqutit.

Marluinnik sammisaqarluni ataatsimeereernermi Kuupik Kleist aamma Lene Espersen Inatsisartut Nunanut allanut Illersornissamullu politikkikkut ataatsimiititaliaat ataatsimeeqatigissavaat, sammisat oqaloqatigiissutigisimasatik pillugit ataatsimiititaliaq ilisimatitsissuteqarfigissallugu.