Links

Danskit Nunat Avannarliit siulittaasuutitaqarnerminni suliniutaannut Kalaallit Nunaata soqutigisani sunniuteqartippai, matumani salliutinneqarmat atlantikup avannaani suleqatigiinnerup pingaaruteqarnerata nukittorsarneqarnissaanik suliniut, immikkut pineqarluni Canada peqatigalugu suliniutaasartunik ineriartortitsinissaq. Nunap immikkoortortaanni inukitsuni nunassittarnerit inuussutissarsiutinillu ineriartortitsinerit immikkut sammineqarput aammalu inuiaqatigiinni innuttaasut pisariaqartumik inuussutissarsiorsinnaanermut piginnaaneqalernissaannik anguniagaqarneq.

Uani Danskit siulittaasuutitaqarnerminni suliniutaat pillugu takusaqarnerusinnaavutit

Nunat Avannarliit Siunnersuisoqatigiivi tassaavoq inatsisartunut ilaasortanut naatsorsuussaq, tassani Kalaallit Nunaat marlunnik ilaasortaatitaqarpoq, Inatsisartunit toqqarneqarsimasunik. Nunat Avannarliit Siunnersuisoqatigiivinut tunuliaqutaavoq nunani avannarlerni tallimani aammalu nunat immikkoortortaanni namminersorlutik oqartussaaffigineqartuni pingasuni inatsisartuni ilaasortat (folketingimi ilaasortat Inatsisartunilu ilaasortat) naalakkersuisuisalu akornanni suleqatigiiffiusinnaasumik peqarnissamik kissaateqarneq. Siunnersuisooqatigiit suliniutissanik aallarniisartuuvoq, nunallu pineqartut akornanni suleqatigiinneq pillugu siunnersuisuulluni nakkutilliisuullunilu.

Uani Nunat Avannarliit Siunnersuisoqatigiivi pillugu takusaqarnerusinnaavutit
 
Nunani Avannarlerni Ministerit Siunnersuisoqatigiivi tassaapput nunani avannarlerni naalakkersuisut akornanni pisortatigoortumik ataatsimoorullugu suleqatigiiffiusoq. Pilersitsinermut tunuliaqutaavoq nunani avannarlerni naalakkersuisut naalakkersuisunullu ilaasortat akornanni avannaani suleqatigiinnerup nukittorsarneqarnissaanik kissaateqarneq. 2007-mi Ålandimi aalajangersagaq periarfissiivoq Kalaallit Nunaat (nunani immikkoortuni namminersorlutik oqartussat allat peqatigalugit) nunani avannarlerni suliffeqarfiit siulersuisuini ilaasortaatitaqalersinnaanera aammalu Ministerit Siunnersuisoqatigiivini atorfilittallu ataatsimiititaliaanni ataatsimiinnerni aqutsisinnaalernermut.

Uani Nunani Avannarlerni Ministerit Siunnersuisoqatigiivi pillugit nakusaqarerusinnaavutit

Nunat Killiit Avannarliit Siunnersuisoqatigiivi tassaapput Savalimmiuni, Islandimi Kalaallillu Nunaanni inatsisartuni ilaasortat akornanni suleqatigiiffik. Tassani sulinermut anguniagaavoq nunat killiit avannarliit ataatsimoorullugu soqutigisaannik saqqummiussuiffiusinnaanngorlugu aammalu Nunat Avannarliit Siunnersuisoqatigiivinut nunallu assigiinngitsut akornanni suleqatigiiffiusunut akunnermiliuttuussalluni.

Uani Nunat Killiit Avannarliit Siunnersuisoqatigiivisa pilersinneqarnerannut atatillugu allagartaq takuneqarsinnaavoq

Inatsisartut nittartagaasa ilaa uani takuneqarsinnaavoq

Avannaamioqatigiit Kalaallit Nunaanni Instituttia, NAPA (Nunani Avannarlerni Piorsarsimaasutsikkut Attaveqaat), Nuummi Katuami inissisimavoq. NAPA suliffeqarfiuvoq Ministerit Siunnersuisoqatigiivisa ataanni inissisimasoq, pilersinneqartorlu 1987-mi. NAPA-p suliassaraa nunanut avannarlernut kulturikkut attaveqarnerit annertusassallugit, kalaallit nunaanni atugassarititaasut pillugit nunanut avannarlernut paarlattuanillu paasissutissiisassalluni  kiisalu kalaallit nunaanni kultureqarneq tapersersussallugu uummarissassallugulu.

Nunani issittuni suliniutit pillugit qarasaasiakkut allattugaatit

Uani suliniutit pillugit qarasaasiakkut allattugaatit pillugit annertunerusumik takusaqarsinnaavutit