Nunanut allanut niuernikkut naalakkersuinikkut pissutsit

Kalaallit Nunaata nunanut allanut niuernermi tunngasutigut aaqqissuussineratigut kalaallit suliffeqarfiinut nunani tamalaanit atugassarititaasut pitsanngortuassapput.

Siullermik Kalaallit Nunaata nunat tamalaat niuernermi malittarisassaasa ersarissuunissaat naapertuuttuunissaallu Nunarsuarmi Niueqatigiinnermut Kattuffissuarmi (WTO-mi) nukittuumik peqataanikkut sulissutigissavaa.

Naalakkersuisut anguniagaat tassaavoq kalaallinut inuussutissarsiortunut akornutaasunik nunat tamalaat akornanni avammut niuerfinni malittarisassaqannginnissaq.

Illuatungaatigut Kalaallit Nunaat nunanik allanik toqaannartumik niueqatigiinnermut naammaginartumik isumaqatigiissiornissaq sulissuteqarpoq.

Nunanut allanut nioqqutissanik annissuineq aamma nunanit allanit nioqqutissanik eqqussuineq pillugu annertunerusumik paasisaqarusukkuit Nunanut Allanut Pisortaqarfik attavigisinnaavat.