Kalaallit Nunaata aamma USA-p akornanni suleqatigiinneq

Joint Commiteemi (JC-mi) Kalaallit Nunaata, USA-p aamma Danmarkip akornanni suleqatigiinneq Igalikumi isumaqatigiissummik 2004-mi ameerikkamiut Nunanut Allanut Ministeriannit Colin Powelimit, danskit Nunanut Allanut Ministeriannit Per Stig Møllerimit taamanilu Aningaasanut Nunanullu Allanut Naalakkersuisumit Josef Motzfeldtimit atsiorneqartumik tunngaveqarpoq. Igalikumi isumaqatigiissut pingasunik isumaqatigiissutinik katitigaavoq:

• Illersornissaq pillugu isumaqatigiissutip 1951-imeersup nutarternissaa.
• Pituffimmi avatangiisitigut pissutsit pillugit suleqatigiinnissamik ataatsimorussamik nalunaarut
• Teknikikkut aningaasarsiornikkut suleqatigiinneq pillugu isumaqatigiissut (Joint Commiteemi suleqatigiinneq)

JC komitiiuvoq pingasunik sinniisoqarfiusoq – nunanit tamanit ilaasortaq ataaseq. Kalaallit Nunaannit sinniisuuvoq Nunanut Allanut Pisortaqarfimmi pisortaq, USA-mit sinniisuulluni ameerikkamiut Danmarkimi Aallartitaat kiisalu Danmarkimit sinniissuulluni Nunanut Allanut Ministereqarfimmi Udenrigsrådi. JC-p suliassarivaa Kalaallit Nunaata aamma USA-p akornanni aningaasarsiornikkut teknikikkullu suleqatigiinnerup annertusarnissaa immikkut makku aallaavigalugit: ilisimatusarneq, peqqissuseq, teknologii, nukissiorneq, avatangiisit, ilinniartitaaneq, timmisartukkut angallassineq aamma niuerneq.

USA's Ambassade i Danmark om samarbejdet med Grønland