Namminersorlutik Oqartussat nunanut allanut tunngasutigut naalakkersuinikkut piginnaaneqarfii

Nittartakkami quppernerni ukunani Kalaallit Nunaata nunanut allanut tunngasutigut naalakkersuinikkut piginnaassuseqarfii atuarneqarsinnaapput.

Ingammik ukiuni kingullerni Kalaallit Nunaat inatsisitigoortumik killiliussat aallaavigalugit nunanut allanut tunngasutigut tigussaasumik iliuuseqarsinnaanerulernera periarfissaalernikuuvoq.

Namminersorlutik Oqartussani Naalakkersuisut taakkulu ataani Nunanut Allanut Pisortaqarfiup kiisalu illuatungaani Inatsisartut Nunanut Allanut Sillimaniarnermullu Ataatsimiititaliap immikkut inissisimasup akornanni akisussaaffiit ersarissumik agguataarneqarnikuupput. Naalakkersuisunit nunanut allanut tunngasutigut politikki isumagineqarpoq, Ataatsimiititaliamulli nassuiaatit paasissutissallu politikikkut nunanut allanut sillimaniarnermullu tunngassuteqartut soqutiginaateqarsinnaasut isummersorfigisassatut ataavartumik nassiussuunneqartarlutik.

Nunanut Allanut Ministerip Folketingimi Udenrigspolitisk Nævn nunanut allanut sillimaniarnermullu naalakkersuiniikkut tunngagsuteqartut Kalaallit Nunaannut tunngassuteqartut ilisimatitsissutigigaangagit, ilutigalugu Namminersorlutik Oqartussani Naalakkersuisunit Inatsisartut Nunanut Allanut Sillimaniarnermullu Ataatsimiititaliaq ilisimatinneqartarpoq.