Tusagassiivimmi sulisut nittartagaq nanoq.gl Namminersorlutik Oqartussanut tamarmut tunngasoq inerisarniarlugu aallussipput. Nittartagaq aaqqissuussinikkut pilersaarutit malillugit inerisagaanngilaq, sammisalli suliarisagut aallaavigalugit suliaalluni.
Tusagassiuutinut attaveqarnermik ataqatigiissaarineq
Tusagassiiviup tusagassiuutinut attaveqartarnerup ataqatigiissaarnissaa qularnaassavaa, makkulu periarfissiissutigissallugit:
- Tusagassiortunik katersuutsitsinerit piareersarnerillu pilersaarusiorneri
- Tusagassiuutitigut nalunaarutinik suliarinninneq siammarterinerlu
- Allaaserisat atuartartutullu allakkat tusagassiortutut suliarineri.
Tusagassiuutitigut nalunaarutit Tusagassiiviup tusagassiornikkut kiffartuussivianit tusagassiorfinnut e-mail-ikkut nassiunneqartarput. Kingornalu nittartakkami nutaarsiassat ataanut ikunneqartarlugit. Nutaarsiassat nittartakkamut ikkunneqartut kingusinnerusukkut toqqorsivinni aamma takuneqarsinnaapput.
Avammut attaveqartarneq pillugu siunnersuineq
Tusagassiivik avammut attaveqartarnerit pillugit siunnersuisarpoq, soorlu makkuninnga:
- Tusagassiuutinut attaveqartarnermik sungiusaaneq
- Avammut attaveqartarnermik naliliisarneq
- Tusarliusseriaatsinik toqqaanerit soorlu innuttaasunik ataatsimiisitsinerit, allagartatigut nittarsaanerit, radio, tv, tusagassiuutillu attaveqarfigineqarsinnaasut.
Innuttaasunut paasissutissiineq
Tusagassiivimmit sapaatikkut ullut 14.-kkaarlugit KNR Radio-kkut innuttaasunut paasissutissiisoqartarpoq nalunaaqutaq 13.30 - 14.00 akornanni. Aallaakaatitassiaq sisamanngornikkut nalunaaqutaq 19.45 - 20.45 akornani aallakaateqqinneqartarpoq.
Tusagassiivimmit aamma Naalakkersuisut ataatsimiinnerinit imaqarniliat nittartakkamut ilanngussassanngorlugit suliarineqartarput.