Branding Greenland

Annertunerusumik paasisaqarusukkuit attaveqarfigiuk:

Tusagassiivik

Naalakkersuisut Siulittaasuata Naalakkersuisoqarfia
Postboks 1015
3900 Nuuk

Oqarasuaat: 34 50 00
Fax: 32 50 02
E-mail: info@nanoq.gl

Kalaallit Nunaata nunani tamani pilerisaarutigineqarnissaanut Branding Greenland sulivoq. Pilerisaarinissamik sulineq Namminersorlutik Oqartussat inuussutissarsiuteqartullu suleqatigiillutik ingerlappaat.

Kalaallit Nunaata nunani allani ajunngitsumik pitsaasumillu assersuunneqarsinnaalernissaa ilimasutsitsisalernissaalu siunertaralugu Branding Greenland pilersinneqarpoq. Kalaallit Nunaannik ilisarnartunngortitsiniaanermi isiginninnermillu pitsaanerulersitsiniaanermi tunisassiat misigisassallu immikkuullarissuussapput pitsaassutsimikkullu qaffasissuussallutik. Tamaaliornikkut Kalaallit Nunaata ilisimaneqarnerulerneranik, avammut tunisassiornerulerneranik aningaasaliiffigineqarneruneranillu, angallannikkut periarfissaqarnerulerneranik takornariaqarnerulerneranillu kinguneqassaaq - siunertarineqarluni Kalaallit nunaata aningaasarsiorneranik nukittunerulersinnissaa.

Branding Greenland 2005-imi aallartinneqarpoq, taamanimiillu Kalaallit Nunaata sammivinni aalajangersimasuni pilerisaarutigineqarnera ingerlanneqarpoq.

Branding Greenland groupip sulinerani Tusagassiivik peqataatitaqarpoq, kisianni Branding Greenland Groupip ulluinnarni sulinera Nunanut allanut Pisortaqarfimmit aqunneqarpoq.

Branding Greenlandip-i namminerisaminik nittartagaqarpoq paasisassarsiorfigalugu alakkarsinnaasat.

Kalaallit Nunaata nunani tamaginni maluginiarneqarnerata ataqatigiissaarfissaanik nukittorsarfissaanillu isumasioqatigiiffissamik pilersitsisoqarmat Branding Greenland taamani Greenland Promotion Board-imik taaneqarpoq. Isumassarsiorfissatut oqallisissiatullu saqqummiussaq, april 2001-imeersoq aamma assinnaavat.