Atuartartut allagaat Naalakkersuisut siulittaasuannit Hans Enoksenimit
Kalaallit Nunaanni angallanneq imminut napatissinnaanerusariaqarpoq
Kikkut tamarmik namminersulerusupput, ikittuinnaalli allannguerusul-lutik. Naalakkersuisuniit ajornartorsiutit isitsinnik takorusuppavut. Siunissaq ungasinnerusoq eqqarsaatigalugu iluarsartuusseqqittaria-qarpugut siunissarput pillugu aningaasaliiffigisassatut pisariallit qu-lakkeerumallugit.
Ilinniartitaaneq uummaterput tamaat attorlugu iliuuseqarfigisinnaas-sagutsigu inuiaqatigiinni atortulersuutigut sakkortusisartariaqarpavut. Naalakkersuisuni aalajangerpugut 2007 angullugu 95 millioner ko-ruunit missaat angallannermiit ilinniartitaanermut nuussagivut. Taa-maaliorpugut imminut napatissinnaanerusumik aningaasaqalernis-sarput piareersarumallugu. Taamaattumik angallanneq sunniuteqar-nerusumik iliuuseqarfiginiarutsigu kiffartuussinermi isumaqatigiissu-tissat isumaqatiginninniutiginissaanni tamanna tunngaviginiarparput.
Timmisartukkut angallannerup nukittuumik aaqqissuussiffiginissaa Naalakkersuisuni toqqarparput. Tamanna angalannermut politikkimik ersarinnerulersitsissaaq, inuiaqatigiinni atortulersuutivut pitsaaneru-sumik iluaqutigineqalissallutik billetsillu amerlanerusut akikinnerulisal-lutik. Naalakkersuisut angallannikkut anguniagaat iliuusissatut piler-saarummut Inatsisartut 2004-mi Ukiakkut Ataatsimiinneranni Angal-lannermut politikki pillugu Nassuiaammut saqqummiunneqartumut naapertuuppoq.
Sumiiffimmut ataatsimut timmisartukkut umiarsuartigullu angalan-nermut tapiissassagutta iluaqutaannavianngilaq. Tamanna Naalak-kersuisut erseqqissumik nalunaarutiginikuuaat. Imminut napatissin-naasumik aningaasaqalernissaq sulissutigissagutsigu angallannikkut pisinnaasavut akilertakkavut iluaqutiginissaannut pikkorinnerulerta-riaqarpugut.
Angallannikkut aaqqissuussaanerup pitsaanerulersinnissaanik kis-saateqarnitta kingunissaaa tassaavoq Naalakkersuisut toqqarmassuk Arctic Umiaq Line A/S-imik sinerissami ilaasumik angallassisartumik kiffaartuussinissamik isumaqatigiissutivut nutarteriffigineqassanngit-sut. Taamaakkaluartpq Qeqertarsuup Tunuani aasaanerani umiar-suartigut angallanneq ingerlaannaassaaq soorluttaaq Nunatta Qeq-qani nunarfiit arlallit umiarsuartigut sullitarineqassallutik.
Ilisimavara angallannerup iluarsartuuteqqinnera Arctic Umiaq Line A/S-imi sulisunut eqqissisimannginnerulersitsisinnaasoq ernumaler-sitsisinnaasorlu. Naalakkersuisunili ingerlatseqatigiiffiup siuniussaa eqqarsaatigalugu isumalluaateqarpugut. Septembarip qaammataani i-ngerlatseqatigiiffiup siunissaa pillugu Naalakkersuisut oqaluuseri-niarpaat. Naalakkersuisullu tungaanniit angallannikkut niuerfimmi tassani ingerlatseqatigiiffiup periarfissaasa ajunngitsumik eqqartor-neqarnissaat qilanaaraarput.
Angallaseriaatsip nutaap nunap immikkoortuini umiarsuartigut niuer-finni namminersortut amerlanerusut suliniuteqarsinnaanissaat am-maassiffigissavaa. Namminersortut suliniuteqarsinnaanerat tassa-nerpiaq inissisimalersinnaavoq, umiarsuartigut angallannermut pisor-tat annertuunik tapiissuteqartarunnaartussaammata. Umiarsuartigut takornariartitsisisarneq iluatsiffiuvoq taamaattumillu niuernikkut umiarsuartigut angallannerup ineriartortinnissaanut suli periarfissa-qartuarnissaa Naalakkersuisut qularutiginngilluinnarpaat.
Takornariartitsisartut siunnersuisoqatigiivisa Greenland Tourism A/S-ip ajortumik pisoqaraluttuarneranik takusaqannginnerat Naalakker-suisuniit nuannaarutigaarput. Niunernikkut umiarsuartigut angalan-neq pitsaasunik periarfissaqarpoq neriuutigaarpullu umiarsuartigut angallassisartut periarfissaq taanna namminneq tigussagaat iluaquti-ginialerlugulu.
Nassuerutigisariaqarparput susassaqarfiit ilaanni akit qaffattus-saammata. Sianigisariaqarporli umiarsuartigut billetsit akikitsut – ta-piissuteqartarnikkut appasitsinneqarnikuusut – sanilliunneqassan-ngimmata. Qulimiguulinnik angalannerup 10%-imik qaffariaateqarne-ranut pissutaavq ukiuni kingullerni 5-ni iluarsiissuteqarneq. Taa-maakkaluartoq sineriak atuarlugu timmisartukkut angallanneq akikin-nerulissagunarpoq soorluttaaq Kujataani qulimiguulinnik angallan-nermi akit 15 – 20%-inik akikinerulissasut.
Angallannikkut aaqqissuussaanitta pitsaanerusumik iluaqutigilernis-saanut Naalakkersuisut sakkortusisamik suliniuteqarnerat tassaavoq susassaqarfimmi tassani Naalakkersuisut iliuusissatut pilersaarutaata immikkoortuisa siullersaat. Iliuusissatut pilersaarut 2004-mi Angal-lannikkut politikki pillugu Nassuiaammi atuarneqarsinnaavoq uanilu aaneqarsinnaaluni www.nanoq.gl. Siunertarineqarpoq pitsaasumik ataqatigiissumillu angallannikkut aaqqissuussaanissaq innuttaasunut namminersortunullu iluaqutaasussamik.