15. november 2005-mi Inatsisartunut qinersinermut allakkatigut qinersisinnaaneq
Qinersisartut 15. november 2005-mi Inatsisartunut qinersinissami qinersinermut atatillugu ajornartorsiorlutik taasiartorfimmukarsinnaasut imaluunniit taasiartorfimmukarsinnaanngitsut, pappiaqqamik taasivimmik (allakkatigut taasivimmik) nassiussinermikkut taasinissaminnut periarfissaqarput.
Qinersisartup qinersivimmi qinersisussat allattorsimaffianniiffigisami avataaniinnnini pissutigalugu taasiartorfimmukarsinnaannginnera piumasaqaataanngilaq.
Allakkatigut taasineq qinersinissaq siusinnerpaamik sap. akunnerinik arfinilinnik sioqqullugu pisinnaavoq, tassa imaappoq
Marlunngornermiiit 4. oktober 2005
Qinersisartoq kommunip angerlarsimaffigisami avataaniikkuni inuit nalunaarsorsimaffianni allakkatigut taasissutikkut taasisinnaavoq. Taasissut nassiunneqassaaq kommunimut pineqartup qinersisussat allattorsimaffimmiiffigisaanut. Nunaqarfinni inoqarfinnilu mikinerusuni allakkatigut taasinerit tunniunneqassapput inunnik nalunaarsuisup ikiortaanut.
Napparsimmavinni imaluunniit peqqissartarfinni paaqqutarineqartarfinniluunniit allani unin-ngasut aammalu pinerluuteqarsimasunik isumaginnittoqarfiup inissiisarfiani inissinneqarsimasut aamma allakkatigut taasisinnaapput. Inummik allakkatigut taasinernik tigooraasussamik Qinersinermut siulersuisut toqqagaannik peqassaaq.
Qinersisartut inoqarfinni mikinerusuni najugaqartut inummi Qinersinermut siulersuisut toqqagaanni allakkatigut taasisinnaapput.
Qinersisartut umiarsuarni Kalaallit Nunaanni angerlarsimaffeqartuniittut umiarsuup naalagaanit taassumaluunniit toqqagaanit taasisinneqarsinnaapput.
Silasiorfinni timmisartunullu mittarfinni il.il. allakkatigut taasisoqarsinnaavoq inummi Qinersinermut ataatsimiititaliamit piginnaatinneqartumi.
Qinersisartut Danmarkimiittut Savalimmiuniittulluunniit inuit nalunaarsorsimaffianni imaluunniit Kalaallit Nunaata sinniisoqarfiani Københavnimiittumi allakkatigut taasisinnaapput.
Qinersisartut Naalagaaffiup avataaniittut Danmarkip aallartitaqarfiini imaluunniit konsuleqarfiini taasisinnaapput.
Qinersinermut Ataatsimiititaliaq, Nuuk ulloq 3. oktober 2005