Tusagassiivik KNR-imi

Tusagassiiviup KNR Radiokkut arfininngornermi 11. februar 2012 nal. 16.30-17.00 aallakaatitsinissaani Tusagassiivimmiit Else Olsvigip Ilinniartitaanermut Ilisimatusarnermullu Naalakkersuisoq Palle Christiansen oqaloqatigaa.  

Radiokkut aallakaatitassiami sammineqassaaq inussutissarsiutinut ilinniagaqartut praktikkerfissaaleqisarnerannut Namminersorlutik Oqartussat suliniutaat, ilinniartunuinnaanngitsoq aammali nunatsinni inuussutissarsiornermut iluaqutaasussamik siunertaqartut.

Palle Christiansen:
- Kalaallit Nunaanni inuusuttut teknikkimut tunngasunik ilinniagaqarusuttut ilinniagartik annertunerpaamik pissarsiaqarfigissagunikku ilinniarnermik nalaani suliutigalugu ilinniakkamik ingerlatsinissaminnut periarfissaqartariaqarput, massakkullu takusinnaasagut naapertussagaanni soorlu sanasunngorniartut saffiuunngorniartulluunniit ilinniarnermik nalaanni suliutigalutik ilinniakkamik ingerlatsinissamut periarfissaat killeqartorujussuupput. Taamaattumik nunatsinni ilinniagaqartut amerlanerpaat ilinniakkaminnik naammassinninnissaat qulakkeerniarlugu ajornartorsiut tamanna iliuuseqarfiginiarparput.