Dronninngimut naasut qilertat kuultiusut

 Dronninngip ukiuni 40-ni nalliuttorsiorneranut atatillugu Kalaallit Nunaannit tunissutissaq siulleq tunniunniarlugu Naalakkersuisut Siulittaasuata Kuupik Kleistip, Inatsisartut siulittaasuata Josef Motzfeldtip aamma kuultinik pinnersaasiortup Nicolai Appelip ullumi Ataqqinartorsuaq Dronning Margrethe tunissuteqarfigivaat.

Ullumi tunissutit naasuupput qilertat, kuultimik pinnersaammillu silisamik Kalaallit Nunaanninngaannersumik sanaaq. Tikiusaaq, issittup valmuea, paarnaqutit kryblyng aamma kantlyng, inneruulaaraq aamma sungorsiusaq isumassarsiorfigalugit naasut suliarineqarput pissusissamisoortumillu angissuseqarlutik.

Naasut pinnersaatitut (tiara) nutaatut assigiinngitsutigut atorneqassapput, niaqqumut pinnersaatitut, nutsanut pinnersaatitut kukkilittullu atorneqassapput. Pilersaarutaavoq, Nicolai Appelip Dronning peqatigalugu kingusinnerusukkut tiara ilusilersussagaa.

Naasut kuultiusut saniatigut naasut immikkuualuttukkuutaartui qanorlu suliarineqarsimanerat pillugu nassuiaatitalik Nicolai Appelip suliaqarnermini titartagaa Dronninngimut tunniunneqarpoq.