Royal Greenland nutaanik siulersuisoqalerpoq

Kalaallit Nunaata aalisakkanik tunisassiorfissua nutaanik siulersuisoqalerpoq. Royal Greenland-ip nalinnginnaasumik ataatsimeersuarnerani ullumi 18. februar 2010 ingerlanneqartumi siulersuisut katiterneqarnerat allanngortinneqarpoq.

Niuernermik inuussutissarsiutilik Niels Harald de Coninck-Smith siulersuisuni siulittaasunngorpoq, taamaalillunilu pisortaq Peter Grønvold Samuelsen ukiut pingasut kingulliit siulittaasuusimasoq taarserlugu.

Uku aamma taarserneqarput: Arne Pedersen, Paneeraq A. Olsen og Pitsi Høegh. Ukulu siulersuisuni ilaasortanngorput: Otto Eliassen, Marie Fleischer og Sara Heilmann.

Siulersuisuni ilaasortat Sven Lyse aamma Svend Bang Christiansen kiisalu sulisut sinniisaat Lars Berthelsen aamma Niels Ole Møller siulersuisuni sulinerminnik ingerlatiinnassapput. Asger Johansen taarserneqarluni Peter Korsbæk-imit.

Royal Greenlandimi siulersuisuni ilaasortassanik ukioq allortarlugu qinersisoqartarpoq. Siulittaasorli ukiut tamaasa qinerneqartarluni.

Tusagassiutinut nalunaarut uani atuaruk